എഴുത്തുകാര്‍ പുരസ്‌കാരങ്ങള്‍ തിരിച്ചു നല്‍കുന്ന പ്രതിഷേധത്തെ അനുകൂലിക്കുന്നുണ്ടെങ്കിലും ഈ രീതിയെ താന്‍ പിന്താങ്ങുന്നില്ലെന്ന് മുന്‍ മന്ത്രിയും എഴുത്തുകാരനുമായ ശശി തരൂര്‍ എം.പി. എഴുത്തുകാരുടെ പ്രതിഷേധം നമ്മുടെ രാജ്യത്തിന് അഭിമാനകരമാണ്. ജനാധിപത്യത്തില്‍ വിശ്വസിക്കുന്ന ഊര്‍ജസ്വലമായ ഒരു രാഷ്ട്രമാണ് നമ്മുടേത് എന്നതിന്റെ തെളിവാണിത്.
പുരസ്‌കാരങ്ങള്‍ തിരിച്ചു നല്‍കുന്നതിലൂടെ അഭിപ്രായസ്വാതന്ത്ര്യത്തെ പ്രതിരോധിക്കാന്‍ അവര്‍ നടത്തുന്ന ശ്രമങ്ങളെ ഞാന്‍ ആദരിക്കുന്നു. എങ്കിലും ഈ പുരസ്‌കാരങ്ങള്‍ നല്‍കുന്നത് സ്വതന്ത്ര സമിതികളാണ്. അംഗീകാരങ്ങളെ അനാദരിക്കുന്നത് ശരിയല്ല. മഹത്തായ ഇന്ത്യന്‍ സാഹിത്യലോകത്തെ പ്രതിനിധാനം ചെയ്യുന്ന സാഹിത്യ അക്കാദമികളെ നയിക്കുന്ന ഉന്നതരായ സാഹിത്യപ്രതിഭകളെ അനാദരിക്കരുത്. ഒരു സര്‍ക്കാര്‍ സൃഷ്ടിച്ചെടുക്കുന്ന തെറ്റായ പ്രത്യേക പരിതസ്ഥിതിയുടെ പ്രതിഫലനമാണ് നാമിപ്പോള്‍ കാണുന്നത്. സര്‍ക്കാരിന്റെ ഈ ശ്രമത്തെ എതിര്‍ക്കേണ്ടതുണ്ട്. വിമര്‍ശിക്കേണ്ടതുണ്ട്. എഴുത്തുകാര്‍ അവരുടെ അന്തഃകരണത്തെയാണ് അവര്‍ ആവിഷ്‌കരിച്ചത്. അതിനെ കടലാസ് വിപ്ലവമെന്ന് അധിക്ഷേപിക്കരുത്. എഴുത്തുകാര്‍ അവര്‍ വിശ്വസിക്കുന്ന കാര്യങ്ങളാണ് അവര്‍ പറയുന്നതും ചെയ്യുന്നതും. ശശി തരൂര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha