വിഷമമുണ്ടാക്കുന്ന കാര്യങ്ങള് കേള്ക്കേണ്ടിവരുമ്പോള് എല്ലാവരേയും പോലെത്തന്നെയാണ് താനുമെന്ന് ടിവി അനുപമ
നിറപറയുടെ ഉള്പ്പന്നങ്ങള് വീണ്ടും വിപണിയിലേക്കെത്തുന്നു. പക്ഷേ ഭക്ഷ്യസുരക്ഷാ കമ്മീഷണര് നടപടിയുമായി മുന്നോട്ട് തന്നെയാണ്. താന് ഈ കസേരയിലുള്ളടുത്തോളം കാലം ആക്റ്റുകളുടെയും റൂളുകളുടേയും ഉള്ളില് നിന്ന് കൊണ്ട് ചെയ്യേണ്ടതെല്ലാം ചെയ്യുമെന്നാണ് അനുപമ പറയുന്നത്. വിഷമമുണ്ടാക്കുന്ന കാര്യങ്ങള് കേള്ക്കേണ്ടിവരുമ്പോള് എല്ലാവരേയും പോലെത്തന്നെയാണ് ഞാനും. അപ്പോഴത്ര കംഫര്ട്ടബിളാവില്ലല്ലോ...എന്നാലും പേടി തോന്നിയിട്ടില്ല. കാരണം ആക്റ്റിന്റേയും റൂളിന്റേയും ഉള്ളില് നിന്നുകൊണ്ട് നമ്മള് ചെയ്യുന്നൊരു കാര്യമാണല്ലോ. വീട്ടുകാര്ക്ക് പത്രവാര്ത്തകള് വായിക്കുമ്പോള് കുറച്ച് ടെന്ഷനൊക്കെ ഉണ്ടായിട്ടുണ്ട്. എന്നാല്പ്പോലും ജനങ്ങളുടെ സപ്പോര്ട്ടുണ്ട്. ഞാനൊറ്റയ്ക്കല്ലല്ലോ ഒന്നും ചെയ്യുന്നത്. എന്റെ കീഴില് ഒരു ഡിപ്പാര്ട്ട്മെന്റുണ്ട്. ടീമുണ്ട്. വലിയ ബുദ്ധിമുട്ടൊന്നും തോന്നിയിട്ടില്ല.
ജനങ്ങളുടെ താല്പര്യമാണ് വലുത്. ജനങ്ങള് നല്ല ഭക്ഷണം ഉറപ്പ് വരുത്തുകയെന്നത് തന്നെയാണ് സര്ക്കാരിന്റെയും ലക്ഷ്യം. അത് നിറവേറ്റുകയെന്നതാണ് എന്റെ ജോലി. പ്രമുഖ പത്രത്തിന് നല്കിയ അഭിമുഖത്തിലാണ് ഭക്ഷ്യ സുരക്ഷാകമ്മീഷണര് ഇക്കാര്യം വ്യക്തമാക്കിയത്.
ജനങ്ങള് ഇപ്പോഴും പരാതി അയക്കുന്നുണ്ട്. മോശം ഭക്ഷണം, മോശം സംഭവങ്ങളെല്ലാം ഒരുപാട് ആളുകള് ഫോട്ടോയെടുത്തിട്ട് മെയിലിലേക്ക് അയക്കാറുണ്ട്. മുഖ്യമന്ത്രിയുടെ നേതൃത്വത്തില് വിളിച്ച വിവിധ വകുപ്പുകളുടെ ഒരു മീറ്റിങ്ങാണ് ഇങ്ങനെയൊരു പ്രശ്നത്തിലേക്ക് വരാന് കാരണം. കാര്ഷിക സര്വ്വകലാശാലയുടെ കണ്ടെത്തലുകള് ഞങ്ങള് ആ മീറ്റിങ്ങില് അവതരിപ്പിച്ചു. ഞെട്ടിപ്പിക്കുന്നതായിരുന്നു റിപ്പോര്ട്ട്. തുടര്നടപടികള്ക്കായി കമ്മിറ്റി ഉണ്ടാക്കി. സത്യാവസ്ഥ അറിയാനായി ഉദ്യോഗസ്ഥരുടെ ഒരു സംഘം തമിഴ്നാട്ടിലേക്ക് പോയി പഠനം നടത്തി. അവരുടെ റിപ്പോര്ട്ട് പ്രകാരം തമിഴ്നാട്ടില് നിന്നെത്തുന്ന പച്ചക്കറികളില് കീടനാശിനിയുടെ അളവ് 65 75 ശതമാനം വരെയുണ്ട് എന്ന് കണ്ടെത്തി.
പഴംപച്ചക്കറി പരിശോധന കര്ക്കശമായപ്പോള് അത് പെട്ടെന്ന് വാര്ത്തയായി. സത്യം പറഞ്ഞാല് ഇത്രയും പ്രതീക്ഷിച്ചതല്ല. ഞാന് കമ്മറ്റി ചെയര്മാനായി എന്തൊക്കെ ചെയ്യാമെന്നതിന്റെ രൂപരേഖ തയ്യാറാക്കുമ്പോഴും അത് ജനങ്ങളുടെ ഇടയില് ഇത്രയും വലിയൊരു പ്രതികരണം ഉണ്ടാക്കുമെന്ന് അറിയില്ലായിരുന്നു. കുറച്ച് സ്റ്റെപ്പ്സ് എടുത്തു. അത്രമാത്രമേ ഉണ്ടായിരുന്നുള്ളൂ.
നടപടി ഊര്ജ്ജിതമാക്കി. ചിലര് വക്കീല് നോട്ടീസയച്ചു. അതിനൊക്കെ നിയമത്തിന്റെ രീതിയില്ത്തന്നെ മറുപടി കൊടുത്തു. കൃത്യമായി പേരുവിവരങ്ങളില്ലാതെ വന്ന കത്തുകളെ തഴഞ്ഞു. ഇപ്പോള് കീടനാശിനി ഇഷ്യൂവില് വരുന്ന കുറേ ലെറ്റേഴ്സൊക്കെ...അതെന്റെ ജോലിയുടെ ഭാഗമാണ്. അതേസമയം ജോലിയില് നിന്ന് അനാവശ്യമായി ശ്രദ്ധ തെറ്റിക്കുന്ന ഒരു ഘടകവുമാണ്. അത് ഞാനങ്ങ് അവഗണിക്കും. ചില കാര്യങ്ങളില് നമുക്ക് പ്രതികരിക്കേണ്ടി വരും. ചിലത് അങ്ങ് വിടും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
