' അങ്കമാലി ഡയറീസ് ' എന്ന സിനിമയിലൂടെ ശ്രദ്ധേയനായ യുവനടന്‍ ശരത്ചന്ദ്രന്‍ മരിച്ചനിലയില്‍... ശരത്ചന്ദ്രനെ (37) വീടിനുള്ളില്‍ മരിച്ച നിലയിലാണ് കണ്ടെത്തിയത്. ഇന്നലെ രാവിലെ കക്കാട്ടിലെ വീട്ടിലാണു മൃതദേഹം കണ്ടത്.

ഉറക്കമുണരാന്‍ താമസിച്ചതിനെ തുടര്‍ന്നു മാതാപിതാക്കള്‍ നടത്തിയ അന്വേഷണത്തിലാണു മരണവിവരം അറിഞ്ഞത്. കംപ്യൂട്ടര്‍ എന്‍ജിനീയറായ ശരത് കളമശേരിയിലെ കമ്പനിയില്‍ ജോലി ചെയ്തിരുന്നപ്പോഴാണു സിനിമയിലേക്ക് എത്തിയത്. കൊച്ചി പോര്‍ട്ട് ട്രസ്റ്റ് റിട്ട. ഉദ്യോഗസ്ഥന്‍ ഊട്ടോളില്‍ ചന്ദ്രന്റെയും ലീലയുടെയും മകനാണ്.


അങ്കമാലി ഡയറീസ് ആണ് ശരത്തിനെ ശ്രദ്ധേയനാക്കിയത്. മെക്‌സിക്കന്‍ അപാരത, സിഐഎ, കൂടെ തുടങ്ങിയ ചിത്രങ്ങളിലും അഭിനയിച്ചു.

ആത്മഹത്യയാണെന്നു കരുതുന്നതായി പൊലീസ് . സംസ്‌കാരം ഇന്ന് ഉച്ചയ്ക്കു ശേഷം.