സ്വകാര്യകമ്പനികൾക്ക് അവസരമൊരുക്കുന്ന നീക്കങ്ങളുമായി കേന്ദ്രസർക്കാർ മുന്നോട്ട് പോകുകയാണ്. വൈദ്യുതി വിതരണമേഖലയിൽ സ്വകാര്യകമ്പനികൾക്കും അവസരം നൽകുകയാണ് ഇതിലൂടെ ലക്ഷ്യം വയ്ക്കുന്നത്. കർഷക സംഘടനകളും പ്രതിപക്ഷവും ശക്തമായി എതിർപ്പ് തുടരുകയാണ്. ഈ ബിൽ തിങ്കളാഴ്ച ലോക്‌സഭയിൽ അവതരിപ്പിക്കും.

സ്വകാര്യ കമ്പനികൾക്ക് വൻ ലാഭമുണ്ടാക്കാനുള്ള അവസരമാണ് ഇതിലൂടെ ഒരുങ്ങുന്നത്. മാത്രമല്ല കർഷകർക്കും സാധാരണക്കാർക്കും വൈദ്യുതി നിരക്ക് വർധിപ്പിക്കാനുള്ള അവസരം കൂടെ സജ്ജമാകുകയാണ് എന്ന വിമർശനം ശക്തമാകുകയാണ്. ഊർജമേഖലയിൽ മത്സര ക്ഷമത കൊണ്ടുവരാനും ഉപയോക്താക്കൾക്ക് ഇഷ്ടമുള്ള വിതരണക്കമ്പനികളെ തിരഞ്ഞെടുക്കാനും അവസരമുണ്ടാകുന്നു എന്നാണ് സർക്കാർ ഉന്നയിക്കുന്ന വാദം.

കാലാവസ്ഥാവ്യതിയാനത്തിന്റെ സാഹചര്യത്തിൽ ഹരിതോർജത്തിന് പ്രാധാന്യം നൽകേണ്ടുന്ന ആവശ്യമുണ്ടെന്ന് സർക്കാർ വ്യക്തമാക്കുകയാണ്. ഉപയോക്താക്കൾക്ക് ഇഷ്ടമുള്ള വിതരണക്കാരിൽ നിന്ന് വൈദ്യുതി വാങ്ങാമെന്നും സർക്കാർ പറയുന്നുണ്ട്.

വൈദ്യുതി ഉത്പാദനം, പ്രസരണം, വിതരണം, വിൽക്കൽ വാങ്ങലുകൾ എന്നിവ സംബന്ധിച്ച നിയമങ്ങളെ ഏകീകരിക്കാനായി കൊണ്ടുവന്ന 2003-ലെ വൈദ്യുതിനിയമത്തിൽ ഭേദഗതി വരുത്തുക എന്ന ലക്ഷ്യമാണ് ഈ ബില്ലിലൂടെ ഉദ്ദേശിക്കുന്നത്.