'ദേശീയപാത ഇങ്ങനെ തകരുമെന്ന് കരുതിയില്ല..... ഒരാഴ്ച കഴിഞ്ഞ് റോഡില് കുഴികള് കാണരുത്' .... ദേശീയപാതയടക്കമുള്ള റോഡുകളിലെ കുഴികള് ഒരാഴ്ചയ്ക്കുള്ളില് അടയ്ക്കണമെന്ന് ഹൈക്കോടതിയുടെ അന്ത്യശാസനം
'ദേശീയപാത ഇങ്ങനെ തകരുമെന്ന് കരുതിയില്ല..... ഒരാഴ്ച കഴിഞ്ഞ് റോഡില് കുഴികള് കാണരുത്' .... ദേശീയപാതയടക്കമുള്ള റോഡുകളിലെ കുഴികള് ഒരാഴ്ചയ്ക്കുള്ളില് അടയ്ക്കണമെന്ന് ഹൈക്കോടതി അന്ത്യശാസനം നല്കി.
അടുത്തതവണ ഹര്ജി പരിഗണിക്കാനെടുക്കുമ്പോള് ഒരു റോഡിലും കുഴിയുണ്ടായിരിക്കരുതെന്ന് ജസ്റ്റിസ് ദേവന് രാമചന്ദ്രന് മുന്നറിയിപ്പുനല്കി. ദുരന്തനിവാരണ അതോറിറ്റി ചെയര്മാന് എന്നനിലയില് കാഴ്ചക്കാരായി നോക്കിനില്ക്കാതെ കളക്ടര്മാര് റോഡിലെ കുഴികള് അടയ്ക്കാനുള്ള ഉത്തരവുകള് പുറപ്പെടുവിക്കണമെന്നും ഉത്തരവില് പറയുന്നു.
കുഴികളുണ്ടെങ്കില് എന്ജിനിയര്, കരാറുകാര് എന്നിവര്ക്കെതിരേ നടപടി സ്വീകരിക്കണം. ദേശീയപാതയില് അങ്കമാലിക്കടുത്ത് അത്താണിയില് കുഴിയില് വീണ് സ്കൂട്ടര് യാത്രക്കാരനായ പറവൂര് സ്വദേശി ഹാഷിം മരിച്ച സംഭവത്തെ തുടര്ന്നാണ് റോഡുകളുമായി ബന്ധപ്പെട്ട ഹര്ജി അടിയന്തരമായി പരിഗണിച്ചത്. അപകടത്തില് മരിക്കുന്നവരുടെ ആശ്രിതര്ക്ക് നഷ്ടപരിഹാരം നല്കാന് വ്യവസ്ഥയുണ്ടോ എന്ന ചോദ്യത്തിന് റോഡുകളുടെ തകരാര്മൂലം ഉണ്ടാകുന്ന അപകടങ്ങള്ക്ക് കരാറുകാര്ക്ക് ബാധ്യതയുണ്ടെന്നാണ് ദേശീയപാത അതോറിറ്റി അഭിഭാഷകന് വിശദീകരിച്ചത്.
ബില്ഡ് ഓപ്പറേറ്റ് ആന്ഡ് ട്രാന്സ്ഫര് അടിസ്ഥാനത്തില് നിര്മിച്ച ഭാഗത്താണ് അപകടം ഉണ്ടായിരിക്കുന്നത്. നഷ്ടപരിഹാരസാധ്യത പരിശോധിക്കുന്നതിനായി ഇതുമായി ബന്ധപ്പെട്ട കരാര് ഹാജരാക്കാനായി ദേശീയപാത അധികൃതര്ക്ക് നിര്ദേശം നല്കിയിട്ടുണ്ട്.
ദേശീയപാത അതോറിറ്റി തിരുവനന്തപുരം മേഖലാ ഓഫീസറെ കേസില് സ്വമേധയാ കക്ഷിചേര്ത്തു. അപകടമുണ്ടായ ഭാഗത്തെ റോഡിന്റെ ഉത്തരവാദിത്വമുള്ള ഉദ്യോഗസ്ഥന്, കരാറുകാര് എന്നിവരെക്കുറിച്ചുള്ള വിവരം അറിയിക്കണം. തകര്ന്നുകിടക്കുന്ന മറ്റു ഭാഗങ്ങളെ സംബന്ധിച്ചും റിപ്പോര്ട്ട് നല്കണമെന്ന് ആവശ്യപ്പെട്ട് കോടതി.''
"
https://www.facebook.com/Malayalivartha
