സ്വര്ണക്കടത്തുസംഘം തട്ടിക്കൊണ്ടുപോയ പന്തിരിക്കര സൂപ്പിക്കട കോഴിക്കുന്നുമ്മല് ഇര്ഷാദ് വധക്കേസില് കല്പറ്റ കോടതിയില് കീഴടങ്ങിയ മൂന്ന് പ്രതികള് റിമാന്ഡില്....
സ്വര്ണക്കടത്തുസംഘം തട്ടിക്കൊണ്ടുപോയ പന്തിരിക്കര സൂപ്പിക്കട കോഴിക്കുന്നുമ്മല് ഇര്ഷാദ് വധക്കേസില് കല്പറ്റ കോടതിയില് കീഴടങ്ങിയ മൂന്ന് പ്രതികളെ പേരാമ്പ്ര ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് 14 ദിവസത്തേക്ക് റിമാന്ഡിലാക്കി.
ഇന്നലെ രാവിലെ 11 മണിയോടെയാണ് വയനാട് വൈത്തിരി കൊടുങ്ങയിപറമ്പില് മിസ്ഫര് (28), മേപ്പാടി റിപ്പണ് പാലക്കണ്ടി ഷാനവാസ് (32), കോഴിക്കോട് കൊടുവള്ളി കളത്തിങ്കല് ഇര്ഷാദ് (37) എന്നിവര് കല്പറ്റ സി.ജെ.എം. കോടതിയില് കീഴടങ്ങാനെത്തിയത്.
ഇവരെ പേരാമ്പ്ര കോടതിയില് ഹാജരാക്കാനായി പോലീസിനോട് കോടതി നിര്ദേശിച്ചു. തുടര്ന്ന് രാത്രിയോടെ മൂവരെയും പേരാമ്പ്ര ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് ഡിന്സി ഡേവിസിനു മുമ്പാകെ ഹാജരാക്കി.
പേരാമ്പ്ര താലൂക്കാശുപത്രിയില് വൈദ്യപരിശോധനയ്ക്കുശേഷം കൊയിലാണ്ടി സബ്ജയിലിലേക്ക് കൊണ്ടുപോയി. കല്പറ്റ ഇന്സ്പെക്ടര് സിജുവിന്റെയും എസ്.ഐ. കെ. ബിജുവിന്റെയും നേതൃത്വത്തില് രണ്ടുവണ്ടി പോലീസിന്റെ സാന്നിധ്യത്തിലാണ് പ്രതികളെ കൊണ്ടുവന്നത്.
അതേസമയം ഇതോടെ കേസില് അറസ്റ്റിലായവരുടെ എണ്ണം ഏഴായി. ഇര്ഷാദിനെ അവസാനമായി കാറില്ക്കൊണ്ടുപോയവരില്പ്പെട്ട രണ്ടുപേര് ഇപ്പോള് കീഴടങ്ങിയവരിലുണ്ടെന്നാണ് സൂചനകള് . ഇവരില് നിന്ന് ലഭിക്കുന്ന വിവരം ഇര്ഷാദ് കൊല്ലപ്പെട്ട സംഭവത്തില് വ്യക്തത ലഭിക്കുന്നതില് പ്രധാനമാകും.
" f
https://www.facebook.com/Malayalivartha
