ഇന്നത്തെ പത്രത്തിൽ വന്ന ഒരു സർക്കാർ പരസ്യം കണ്ട് വിഷമം തോന്നി. വിഷമത്തോടെ ആ ഒരു ഫേസ്ബുക്ക് കുറിപ്പ് പങ്കു വച്ചിരിക്കുകയാണ് സന്തോഷ് പണ്ഡിറ്റ്. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ; പണ്ഡിറ്റിൻ്റെ സാമൂഹ്യ നിരീക്ഷണം

ഇന്നത്തെ പത്രത്തിൽ വന്ന ഒരു സർക്കാർ പരസ്യം കണ്ട് വിഷമം തോന്നി. അതായത് "നല്ല പ്രകടനം നടത്തുന്ന 229 കായിക താരങ്ങൾക്കു ... "വഴിവിട്ടുള്ള നയത്തിൽ" .. സർക്കാർ ജോലി നൽകും.." എന്നാണ് ഈ പരസ്യത്തിൽ രാജസ്ഥാൻ സർക്കാര് പരസ്യമായി ജനങ്ങളോട് പറയുന്നത്. വഴിവിട്ടുള്ള സർക്കാര് നിയമനങ്ങളും , പിൻവാതിൽ നിയമനങ്ങളും നമ്മൾ പലപ്പോഴും മാധ്യമങ്ങളിലൂടെ അറിയാറുണ്ട്.

അപ്പോൾ എല്ലാം രാഷ്ട്രീയക്കാർ കഷ്ടപ്പെട്ടു ബന്ധു നിയമനം നടന്നിട്ടില്ല, പിൻവാതിൽ നിയമനം ഉണ്ടായിട്ടില്ല, വഴിവിട്ട നിയമനം നടത്തില്ല എന്നൊക്കെ പറഞ്ഞാണ് തള്ളാറുള്ളത്. പക്ഷേ ഇത്ര പരസ്യമായി സർക്കാര് തന്നെ "വഴിവിട്ട നിയമനം " ഞങ്ങൾ നടത്തും എന്ന് പറയുന്നത് ഇത് ആദ്യമാണ്. ഇത് ശരിയാണോ ? തീർച്ചയായും, കായിക താരങ്ങൾക്കു എല്ലാ വിധ പ്രോത്സാഹനങ്ങളും നൽകണം. അവർക്ക് സംവരണ അടിസ്ഥാനത്തിൽ ജോലിക്ക് മുൻഗണന നൽകുന്നതും നല്ല കാര്യമാണ്. പക്ഷേ വഴിവിട്ട് പിൻവാതിൽ നിയമനം നൽകുന്നത് ശരിയല്ല എന്നാണ് എൻ്റെ അഭിപ്രായം.