അമ്മയുടെ മുമ്പിൽ വെച്ച് മകൾ കാറിടിച്ചു മരിച്ചു. അമ്മക്കൊപ്പം ഓട്ടോയിൽ കയറാൻ ശ്രമിക്കുന്നതിനിടയിലാണ് അപകടം സംഭവിച്ചത്. കുന്നുംപുറം -വേങ്ങര റൂട്ടിൽ ഇ കെ പടി ഓഡിറ്റോറിയത്തിനു സമീപത്തായിരുന്നു അപകടം. കുന്നുംപുറം ഇകെ പടിയിലെ നെല്ലിക്കാപ്പറമ്പിൽ അഭിലാഷിന്റെ മകൾ അക്ഷര എന്ന ആറു വയസുക്കാരിക്കാണ് ദാരുണാന്ത്യം സംഭവിച്ചത്.

ഞായറാഴ്ച രാവിലെ പത്തിനായിരുന്നു സംഭവം നടന്നത് . വിവാഹത്തിന് പോകാൻ അമ്മക്കൊപ്പം വരികയായിരുന്നു അക്ഷര. അമ്മയ്ക്കൊപ്പം ഓട്ടോയിലേക്ക് കയറുന്നതിനിടയിൽ അമിതവേഗതയിൽ കുന്നുംപുറത്തു ഭാഗത്തു നിന്ന് വന്ന കാർ കുഞ്ഞിനെ ഇടിച്ച് തെറിപ്പിക്കുകയായിരുന്നു.

കാറിടിച്ച് അക്ഷരയുടെ അമ്മയുടെ സഹോദരിപുത്രി അഭിരാമി (13)ക്കും പരിക്കേറ്റു. ഇരുവരേയും കുന്നുംപുറത്തെ സ്വകാര്യ ആശുപത്രിയിൽ എത്തിച്ചു. പക്ഷെ അക്ഷരമരണത്തിന് കീഴടങ്ങി. കുറ്റൂർ നോർത്ത് എം എച്ച് എം എൽ പി സ്‌കൂളിലെ ഒന്നാം ക്ലാസ് വിദ്യാർത്ഥിനിയായിരുന്നു അക്ഷര.