പ്രമുഖ സീനിയർ താരങ്ങളെ ഒഴിവാക്കി ജൂനിയർ താരങ്ങൾ നേടിയ ഈ വിജയം ഇന്ത്യക്ക് ഭാവിയിൽ വലിയ മുതൽ കൂട്ടാണ്. ടി20 സ്പെഷലിസ്റ്റ് ആയ സഞ്ജു സാംസൺ, ഹൂഡ ജി, സൂര്യ കുമാർ യാദവ് ജി അടക്കം എല്ലാവർക്കും ഏകദിനങ്ങളും ടെസ്റ്റിലും ഉടനെ അവസരം നൽകണം എന്ന് അപേക്ഷ. ക്രിക്കറ്റ് നിരീക്ഷണം പങ്ക് വച്ച് സന്തോഷ് പണ്ഡിറ്റ്. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ;

പണ്ഡിറ്റിൻ്റെ ക്രിക്കറ്റ് നിരീക്ഷണം അങ്ങനെ മൂന്നാം ഏകദിനത്തിൽ ഇന്ത്യ കഷ്ടിച്ച് 13 റൺസിന് ജയിച്ചു പരമ്പര (3-0) നേടി. ആദ്യം ബാറ്റ് ചെയ്ത ഇന്ത്യ നിശ്ചിത 50 ഓവറിൽ സുബ്മാൻ ജിൽ ജിയുടെ തകർപ്പൻ സെഞ്ച്വറിയുടെ (130 റൺസ്, 15 ഫോർസ് s, 1 സിക്സ് ) പിൻബലത്തിൽ 289 നേടി . കൂടെ ഇഷാൻ കിഷൻ ജിയുടെ 50, ശിഖർ ദവാൻ ജിയുടെ 40 എല്ലാം സ്കോറിന് മികവേകി.

സിംബാവെയുടെ മറുപടി തകർച്ചയോടെ ആയപ്പോൾ ഇന്ത്യ പുഷ്പം പോലെ ജയിക്കും എന്നു കരുതി. അവർ 36 ഓവറിൽ 169/7 ആവുകയും ചെയ്തു. പക്ഷേ സിക്കന്ദർ റാസ ജി വെടിക്കെട്ട് ബാറ്റിംഗ് കാഴ്ചവെച്ച് നേടിയ സെഞ്ച്വറി ( 95 പന്തിൽ 125) അവർക്ക് വിജയ പ്രതീക്ഷ നൽകി. കൂടെ ബി ഇവാൻസ് ജിയും (28) പരിപൂർണ പിന്തുണ നൽകി. പക്ഷേ ഇരുവരും വീണതോടെ ഇന്നിംഗ്സ് ഭംഗിയായി പൂർത്തിയാക്കുവാൻ അവർക്ക് ആളില്ലാതായി. അങ്ങനെ ഇന്ത്യയെ ഒന്ന് വിറപ്പിച്ച് അവർ 13 റൺസിന് കീഴടങ്ങി.

ഇന്ത്യയുടെ ബൗളിംഗ് ശരാശരി മാത്രമായി. ബുംറാ ജിയൂടെ കുറവ് ശരിക്കും അറിഞ്ഞു. ആവേശ് ജി 66/3, കുൽദീപ് ജി 38/2 തിളങ്ങി . (വാൽകഷ്ണം.. പ്രമുഖ സീനിയർ താരങ്ങളെ ഒഴിവാക്കി ജൂനിയർ താരങ്ങൾ നേടിയ ഈ വിജയം ഇന്ത്യക്ക് ഭാവിയിൽ വലിയ മുതൽ കൂട്ടാണ്. T20 സ്പെഷലിസ്റ്റ് ആയ സഞ്ജു സാംസൺ, ഹൂഡ ജി, സൂര്യ കുമാർ യാദവ് ജി അടക്കം എല്ലാവർക്കും ഏകദിനങ്ങളും , ടെസ്റ്റിലും ഉടനെ അവസരം നൽകണം എന്ന് അപേക്ഷ..).