കരച്ചിലടക്കാനാവാതെ നിലവിളിച്ച്..... കോളജില്‍ അഡ്മിഷന്‍ നേടാന്‍ പോകുന്നതിനിടെ ബൈക്ക് വൈദ്യുതി പോസ്റ്റിലിടിച്ച് വിദ്യാര്‍ഥിക്ക് ദാരുണാന്ത്യം
കരച്ചിലടക്കാനാവാതെ നിലവിളിച്ച്..... കോളജില്‍ അഡ്മിഷന്‍ നേടാന്‍ പോകുന്നതിനിടെ ബൈക്ക് വൈദ്യുതി പോസ്റ്റിലിടിച്ച് വിദ്യാര്‍ഥിക്ക് ദാരുണാന്ത്യം. കോഴിക്കോട് മണിയൂര്‍ എലിപ്പറമ്പത്തുമുക്ക് ഹോമിയോ ഡിസ്പന്‍സറിക്ക് സമീപത്ത് നടക്കന്റെവിടെ പരേതനായ വിനോദിന്റെ മകന്‍ ശ്രീരാഗ് (18 ) ആണ് മരിച്ചത്. ഇന്നലെ രാവിലെ ആറരയോടെ തുറയൂരിന് സമീപമായിരുന്നു അപകടം നടന്നത്.
മണിയൂരില്‍ നിന്ന് അട്ടക്കുണ്ട് പാലം കടന്ന് പയ്യോളി ഭാഗത്തേക്ക് വരവെ ചിറക്കര റോഡ് കഴിഞ്ഞയുടന്‍ ശ്രീരാഗ് ഓടിച്ച ബൈക്ക് നിയന്ത്രണം വിട്ട് പോസ്റ്റിലിടിച്ച് മറിയുകയായിരുന്നു.
ഗുരുതരമായി പരിക്കേറ്റ ശ്രീരാഗിനെ കൊയിലാണ്ടി താലൂക്ക് ആശുപത്രിയിലെത്തിച്ചെങ്കിലും മരിച്ചു. കോഴിക്കോട്ടെ ബന്ധുവിന്റെ കൂടെ പ്രവേശന നടപടികള്‍ക്കായി കോളജില്‍ പോകുന്നതിനായി പുറപ്പെട്ടതായിരുന്നു ശ്രീരാഗ്. മേപ്പയൂര്‍ ഹയര്‍സെക്കന്‍ഡറി സ്‌കൂളില്‍ നിന്ന് പ്ലസ് ടു പഠനം പൂര്‍ത്തിയാക്കിയ ശ്രീരാഗ് ചൊവ്വാഴ്ച കോഴിക്കോട് ദേവഗിരി കോളജില്‍ ഡിഗ്രി പ്രവേശനത്തിന് പോവുന്നതിനിടെയാണ് അപകടത്തില്‍പ്പെട്ടത്.
https://www.facebook.com/Malayalivartha
