മൊബൈൽ ഫോണുകളിൽ കുട്ടികളുടെ അശ്ലീല വിഡിയോ ദൃശ്യങ്ങൾ ഡൗൺലോഡ് ചെയ്ത് സൂക്ഷിച്ച യുവാവിനെ പോക്‌സോ നിയമപ്രകാരം അറസ്റ്റുചെയ്തു. പുതുക്കാട്ടെ ബേക്കറി ജീവനക്കാരനായ മലപ്പുറം വേങ്ങര സ്വദേശി അഞ്ചുകണ്ടൻ ഷാഫിയാണ് (28) അറസ്റ്റിലായത്.

സംസ്ഥാന വ്യാപകമായി നടന്ന പരിശോധനയുടെ ഭാഗമായിരുന്നു നടപടി. മലപ്പുറം സൈബർ സെല്ലിൽ നിന്നുള്ള വിവരത്തെത്തുടർന്നാണ് പിടിച്ചത്. പുതുക്കാട് എസ്എച്ച്ഒ യു.എസ്. സുനിൽദാസിന്റെ നേതൃത്വത്തിൽ എസ്‌ഐ എൻ. ലീല, എഎസ്‌ഐ ഷീബ തുടങ്ങിയവരടങ്ങിയ സംഘമാണ് അറസ്റ്റുചെയ്തത്.