തലസ്ഥാനം പോലും കണ്ണൂരിലേക്ക് മാറ്റിയാലും തെറ്റില്ല, 20 വര്‍ഷത്തേക്ക് തുടര്‍ഭരണം ഉറപ്പായ സ്ഥിതിക്ക് എളുപ്പത്തില്‍ കാര്യങ്ങള്‍ നടക്കും; ഹരീഷ് പേരടി
സി പി എമ്മിനെ പരിഹസിച്ചുള്ള ഫേസ്ബുക്ക് പോസ്റ്റുമായി നടന്‍ ഹരീഷ് പേരടി. 20 വര്‍ഷത്തേക്ക് തുടര്‍ ഭരണം ഉറപ്പായ സ്ഥിതിക്ക് തലസ്ഥാനം പോലും കണ്ണൂരിലേക്ക് മാറ്റിയാല്‍ തെറ്റില്ല എന്ന് പരിഹസിക്കുന്ന അദ്ദേഹം പാര്‍ട്ടിയുടെ സംസ്ഥാനകമ്മറ്റി ഓഫീസ് കണ്ണൂരിലേക്ക് മാറ്റിയാല്‍ അതല്ലേ പാര്‍ട്ടിക്ക് കൂടുതല്‍ ഗുണംചെയ്യുക എന്നും ചോദിക്കുന്നുണ്ട്.
ഫേസ്ബുക്ക് പോസ്റ്റിന്റെ പൂര്‍ണരൂപം
എല്ലാം തികഞ്ഞ പാര്‍ട്ടിക്കാരെല്ലാം കഴിഞ്ഞ കുറച്ച് വര്‍ഷങ്ങളായി കണ്ണൂരില്‍ മാത്രമായ സ്ഥിതിക്ക്..സംസ്ഥാന കമ്മറ്റി ഓഫിസും കൂടെ കണ്ണൂരിലേക്ക് മാറ്റിയാല്‍ അതല്ലെ പാര്‍ട്ടിക്ക് കൂടുതല്‍ ഗുണം ചെയ്യുക ...എവിടെക്കും പോവാന്‍ പറ്റിയ വിമാനതാവളവും ഉണ്ട്...വിമാന കമ്പനിയെ ബഹിഷ്‌ക്കരിച്ചവര്‍ക്കും എളുപ്പത്തില്‍ കാര്യങ്ങള്‍ നടക്കും...വെറുതെ പാര്‍ട്ടിക്കുവേണ്ടി പണിയെടുക്കുന്നവരും,മാക്‌സിമം പോയാല്‍ സംസ്ഥാന കമ്മറ്റിയില്‍ ഇരുന്ന് കണ്ണൂര്‍ക്കാര്‍ പറയുന്നത് കേള്‍ക്കാനും യോഗ്യതയുള്ള മറ്റ് ജില്ലക്കാരൊക്കെ വേണമെങ്കില്‍ കണ്ണൂരിലേക്ക് വണ്ടി കയറട്ടെ...കുറെ കാലം അങ്ങോട്ട് കയറിയതല്ലെ..ഇനി ഇങ്ങോട്ട് കയറട്ടെ...20 വര്‍ഷത്തേക്ക് തുടര്‍ ഭരണം ഉറപ്പായ സ്ഥിതിക്ക് തലസ്ഥാനം പോലും കണ്ണൂരിലേക്ക് മാറ്റിയാല്‍ തെറ്റില്ലാ എന്നാണ് എന്റെ ചെറിയ ബുദ്ധിയില്‍ തോന്നുന്നത്..എന്ന് ഈ പാര്‍ട്ടിയെ പറ്റി ഒരു ചുക്കും അറിയാത്ത മണ്ടനും കമ്മിയും സംഘിയും കൊങ്ങിയും ആയ ഒരുത്തന്‍
https://www.facebook.com/Malayalivartha
