ജില്ലാ അടിസ്ഥാനത്തിൽ കോഴിക്കോട് ആണ് മുന്നിൽ. 59.22 ലക്ഷം രൂപയാണ് കോഴിക്കോട് നിന്ന് മാത്രം ലഭിച്ചത്. ഡിപ്പോ അടിസ്ഥാനത്തിൽ തിരുവനന്തപുരം ഡിപ്പോയാണ് ഏറ്റവുമധികം കളക്ഷൻ നേടിയത്. 52 ലക്ഷം രൂപയാണ് തിരുവനന്തപുരം സെൻട്രൽ ഡിപ്പോയിൽ നിന്നുള്ള കളക്ഷൻ. ഇതിനൊപ്പം തന്നെ കെ-സ്വിഫ്റ്റിനും മികച്ച കളക്ഷൻ ലഭിച്ചു. 37 ലക്ഷം രൂപയാണ് സ്വിഫ്റ്റിന് മാത്രമായി ലഭിച്ചത്.

സൗത്ത് സോണിൽ 1.3 കോടി രൂപയും സെൻട്രൽ സോണിൽ 2.8 കോടി രൂപയും നോർത്ത് സോണിൽ 2.39 കോടി രൂപയുമാണ് ലഭിച്ചത്.പ്രതിദിന കളക്ഷൻ 5 കോടി നേടിയിരുന്ന സ്ഥാനത്താണ് ഇന്നലെ 8.4 കോടി രൂപയുടെ റെക്കോർഡ് കളക്ഷൻ. ഉത്സവ സീസണിൽ 7 കോടി രൂപവരെ കളക്ഷൻ നേടിയിട്ടുണ്ടെങ്കിലും ഇതാദ്യമായാണ് ഇത്രയധികം നേടുന്നത്.