നിരവധി തിരക്കുകൾക്ക്‌ ഇടയിലും രമേശ് ചെന്നിത്തലയുടെ ഗുരുവായൂർ സന്ദർശനം എപ്പോഴും ചർച്ചയാകാറുണ്ട്. മാത്രമല്ല ഇപ്പോൾ നടക്കുന്ന ഭാരത്‌ ജോഡോ യാത്രയുടെ തിരക്കിനിടയിലും പതിവ് തെറ്റിക്കാതെ രമേശ് ചെന്നിത്തല ഗുരുവായൂരിലെത്തി കണ്ണന് കദളിപ്പഴനിവേദ്യം നടത്തി.

അതേസമയം തന്നെ ഏറെനാളായി എല്ലാ മലയാളമാസം ഒന്നാം തീയതിയും ചെന്നിത്തല ഗുരുവായൂർ ദർശനം നടത്തി വരുകയാണ്. കൂടാതെ ഭാരത്‌ ജോഡോ യാത്ര തുടങ്ങിയ ദിവസം മുതൽ രാഹുലിനോടൊപ്പം ചെന്നിത്തലയുമുണ്ട്. തുടർന്ന് യാത്രയുടെ കൊല്ലം ജില്ലയിലെ പര്യടനം വെള്ളിയാഴ്ച കരുനാഗപ്പള്ളിയിൽ രാത്രി 9ന് സമ്മേളനത്തോടെ സമാപിച്ചിരുന്നു.

ഇതിനു പിന്നാലെ രാഹുലിനൊപ്പം അമൃതാനന്ദമയിയെ വള്ളിക്കാവിലെത്തി സന്ദർശിച്ച ശേഷം ചെന്നിത്തല മറ്റുള്ളവരെ അറിയിക്കാതെ ഗുരുവായൂരിലേക്ക് പുറപ്പെടുകയായിരുന്നു. ദർശനത്തിനു ശേഷം രാവിലെ 6.30ഓടെ തിരിച്ചെത്തി പദയാത്രയോടൊപ്പം ചേർന്നു.