ഉറക്കത്തില്‍ അമ്മ പോയതറിയാതെ..... ഒറ്റപ്പാലത്ത് അമ്മ തൊട്ടപ്പുറത്തെ മുറിയില്‍ വെട്ടേറ്റ് പിടിയുമ്പോള്‍ മക്കള്‍ മൂന്നുപേരും നല്ല ഉറക്കത്തിലായിരുന്നു, ഒടുവില്‍ മകള്‍ക്കു നേരെ ആക്രമണമുണ്ടായപ്പോള്‍ അലറി വിളി കേട്ട് ഞെട്ടിയുണര്‍ന്ന സഹോദരന്മാര്‍ കണ്ട കാഴ്ച ഞെട്ടിക്കുന്നത്... ഇരുവരും അലറിക്കരഞ്ഞതോടെ കൃഷ്ണദാസിന്റെ സഹോദരന്‍ ഓടിയെത്തി, ഒടുവില്‍ സംഭവിച്ചത്....

ഒന്ന് ഒച്ചവെക്കാന്‍ പോലുമാകാതെയാണ് അമ്മ തൊട്ടപ്പുറത്തെ മുറിയില്‍ വെട്ടേറ്റ് ജീവന്‍വെടിഞ്ഞത്. രക്തംപുരണ്ട മടവാളുമായി മുറിയിലേക്കുവന്നപ്പോഴും അവരൊന്നുമറിഞ്ഞില്ല. ഒടുവില്‍ മടവാള്‍ മകള്‍ക്കു നേരെയും വീശിയടുത്തു. അലര്‍ച്ച കേട്ടെണീറ്റ മക്കള്‍ അഭിരാം കൃഷ്ണയും അഭിനന്ദ് കൃഷ്ണയും തങ്ങള്‍ കണ്ട കാഴ്ചയില്‍നിന്ന് ഇതുവരെ മോചിതരായിട്ടില്ല.

ഞെട്ടലോടെയാണ് കോതകുറിശ്ശി ഗ്രാമവും സംഭവത്തെക്കുറിച്ച് കേട്ടത്. രജനിക്ക് വെട്ടേല്‍ക്കുമ്പോള്‍ തൊട്ടപ്പുറത്തെ മുറിയിലാണ് ഇളയമക്കളായ അനഘയും ഏഴുവയസ്സുകാരന്‍ അഭിരാം കൃഷ്ണയും കിടന്നിരുന്നത്. മറ്റൊരുമുറിയിലാണ് മൂത്തമകന്‍ അഭിനന്ദ് കൃഷ്ണ (16) ഉറങ്ങിയിരുന്നത്. വെട്ടേറ്റ അനഘയുടെ അലര്‍ച്ചകേട്ടാണ് ഇരുവരും ഉണര്‍ന്നത്. ഇതോടെ, ഇവരും അലറിവിളിച്ചു. ഇതുകേട്ടാണ് അയല്‍വാസിയും കൃഷ്ണദാസന്റെ സഹോദരനുമായ മണികണ്ഠന്‍ ഓടിയെത്തി.

രജനിയുടെയും കൃഷ്ണദാസന്റെയും കുടുംബത്തില്‍ ഇതുവരെ കാര്യമായ പ്രശ്‌നങ്ങള്‍ ശ്രദ്ധയില്‍പ്പെട്ടിട്ടില്ലെന്നും അതുകൊണ്ടുതന്നെ വിശ്വസിക്കാനാവുന്നില്ലെന്നുമാണ് സുഹൃത്തുക്കളും പഞ്ചായത്തംഗം പി.പി. രേഷ്മയും പറയുന്നത്. കഴിഞ്ഞദിവസങ്ങളില്‍ പോലും ഇരുവരെയും ക്ഷേത്രത്തില്‍ കണ്ടിരുന്നെന്നും കൃഷ്ണദാസന്‍ ജോലിക്ക് പോയിരുന്നെന്നും പ്രദേശവാസികള്‍ . കുറച്ചുകാലംമുമ്പ്, നിര്‍മാണത്തൊഴിലിനിടെ കെട്ടിടത്തില്‍നിന്ന് വീണ് പരിക്കേറ്റശേഷം വിഷാദരോഗത്തിന് സമാനമായ സ്ഥിതിയിലായിരുന്നു കൃഷ്ണദാസനെന്ന് പോലീസും പറയുന്നു.

ഇന്നലെ പുലര്‍ച്ചെ രണ്ടുമണിയോടെയാണ് സംഭവം. ഒരു പ്രകോപനവുമില്ലാതെയാണ്, മുറിയിലെ കട്ടിലില്‍ ഉറങ്ങുകയായിരുന്ന രജനിയെ കൃഷ്ണദാസന്‍ മടവാള്‍കൊണ്ട് വെട്ടുകയായിരുന്നെന്ന് പറയുന്നു. തുടര്‍ന്ന്, മറ്റൊരുമുറിയില്‍ ക്കിടന്ന മകളെയും വെട്ടി. കുട്ടികള്‍ നിലവിളിക്കുന്നതുകേട്ട് തൊട്ടടുത്ത് താമസിക്കുന്ന കൃഷ്ണദാസിന്റെ സഹോദരന്‍ മണികണ്ഠന്‍ ഓടിയെത്തുകയും മടവാള്‍ പിടിച്ചുവാങ്ങി പറമ്പിലേക്ക് എറിയുകയും ചെയ്‌തെന്നാണ് പോലീസ്.

പരിക്കേറ്റ പെണ്‍കുട്ടിയെ ആശുപത്രിയിലേക്ക് കൊണ്ടുപോകുന്നതിനിടെ ബന്ധുക്കളാണ് പോലീസില്‍ വിവരമറിയിച്ചത്. തുടര്‍ന്ന്, പോലീസെത്തുകയും രജനിയുടെ മൃതദേഹം ഒറ്റപ്പാലം താലൂക്ക് ആശുപത്രിയിലേക്ക് മാറ്റി.


രജനിക്ക് മുറിവേറ്റിട്ടുള്ളത് കഴുത്തിലും കീഴ്ത്താടിയിലുമാണ് . മകള്‍ അനഘയ്ക്ക് തലയിലും കഴുത്തിലും മുറിവുണ്ട്. അനഘ അപകടനില തരണംചെയ്‌തെന്ന് പോലീസ് . സഹോദരന്‍ മടവാള്‍ പിടിച്ചുവാങ്ങാന്‍ ശ്രമിക്കുന്നതിനിടെ കൃഷ്ണദാസിന്റെ കൈയ്ക്കും പരിക്കേറ്റിട്ടുണ്ട്. ഒറ്റപ്പാലം പോലീസ് ഇന്‍സ്പെക്ടര്‍ എം. സുജിത്തിന്റെ നേതൃത്വത്തിലാണ് അന്വേഷണം .

സ്ഥലത്ത് വിരലടയാളവിദഗ്ധരും സാങ്കേതികവിദഗ്ധരുമെത്തി തെളിവുകള്‍ ശേഖരിച്ചു. കൊലയ്ക്കുപയോഗിച്ച മടവാള്‍ വീടിന്റെ സമീപത്തുനിന്ന് കണ്ടെടുത്തു. മൃതദേഹം പോസ്റ്റ്മോര്‍ട്ടത്തിനുശേഷം ബന്ധുക്കള്‍ക്ക് വിട്ടുനല്‍കി.

അഭിനന്ദ് കൃഷ്ണ (16), അഭിരാംകൃഷ്ണ (7) എന്നിവരാണ് രജനിയുടെ മറ്റ് മക്കള്‍. നിര്‍മാണത്തൊഴിലാളിയായ കൃഷ്ണദാസനെ അറസ്റ്റ് ചെയ്ത് പോലീ്‌സ്.

 മക്കളായ  അഭിരാം കൃഷ്ണയും അഭിനന്ദ് കൃഷ്ണയും തങ്ങള്‍ കണ്ട കാഴ്ചയില്‍നിന്ന് ഇതുവരെ മോചിതരായിട്ടില്ല.