നിരോധിത ലൈറ്റുകളും ശബ്ദ സംവിധാനങ്ങളുമായി ഒരു ബസുകളും ഇനി നിരത്തുകളില് ഇറങ്ങരുത്... നിയമം തെറ്റിച്ച് നിരത്തുകളിലിറങ്ങുന്ന മുഴുവന് ടൂറിസ്റ്റ് ബസുകളും ഉടന് പിടിച്ചെടുക്കണമെന്ന നിര്ദ്ദേശവുമായി ഹൈക്കോടതി....
നിരോധിത ലൈറ്റുകളും ശബ്ദ സംവിധാനങ്ങളുമായി ഒരു ബസുകളും ഇനി നിരത്തുകളില് ഇറങ്ങരുത്... നിയമം തെറ്റിച്ച് നിരത്തുകളിലിറങ്ങുന്ന മുഴുവന് ടൂറിസ്റ്റ് ബസുകളും ഉടന് പിടിച്ചെടുക്കണമെന്ന നിര്ദ്ദേശവുമായി ഹൈക്കോടതി....
വടക്കാഞ്ചേരിയില് ടൂറിസ്റ്റ് ബസ് കെ.എസ്.ആര്.ടി.സിയില് ഇടിച്ച് അഞ്ച് വിദ്യാര്ഥികള് ഉള്പ്പെടെ ഒമ്പത് പേര് മരിച്ച സംഭവത്തിന് പിന്നാലെയാണ് ഹൈക്കോടതിയുടെ ഈ നിര്ദേശം.
നിയമലംഘനം ശ്രദ്ധയില് പെടുന്ന ടൂറിസ്റ്റ് ബസുകള് പിടിച്ചെടുക്കണമെന്ന് കേരളാ മോട്ടോര് വാഹന വകുപ്പിനാണ് ഹൈക്കോടതി നിര്ദേശം നല്കിയത്. ഇതിനായി മോട്ടോര് വാഹന വകുപ്പ് നിരത്തുകളില് പരിശോധന നടത്താനും ഹൈക്കോടതി ഡിവിഷന് ബെഞ്ച് ഉത്തരവിട്ടു.
ഇതിനുപുറമെ, ടൂറിസ്റ്റ് ബസുകള്ക്കെതിരായ നടപടിയില് ട്രാന്സ്പോര്ട്ട് കമ്മീഷണര് സത്യവാങ്മൂലം ഫയല് ചെയ്യണമെന്നും ഹൈക്കോടതി ആവശ്യപ്പെട്ടിട്ടുണ്ട്. ടൂറിസ്റ്റ് ബസ് കെ.എസ്.ആര്.ടി.സിയില് ഇടിച്ച് അപകടമുണ്ടായ വടക്കാഞ്ചേരിയിലെ പോലീസ് എസ്.എച്ച്.ഒയും മോട്ടോര് വാഹന വകുപ്പ് ഉദ്യോഗസ്ഥരും ഹൈക്കോടതിയില് ഹാജരാകാനും ആവശ്യപ്പെട്ടു.
ജസ്റ്റിസുമാരായ അനില് കെ നരേന്ദ്രനും പി.ജി. അജിത് കുമാറും ഉള്പ്പെട്ട ഡിവിഷന് ബെഞ്ചിന്റേതാണ് നടപടി. ഹൈക്കോടതിയുടെ നിര്ദേശത്തിന് പിന്നാലെ സംസ്ഥാനത്തിന്റെ വിവിധ ഭാഗങ്ങളില് മോട്ടോര് വാഹന വകുപ്പ് ഉദ്യോഗസ്ഥര് ടൂറിസ്റ്റ് ബസുകളില് പരിശോധന തുടങ്ങി കഴിഞ്ഞു.
അപകടമുണ്ടാക്കിയ ടൂറിസ്റ്റ് ബസിന് നിരോധിച്ച ഫ്ളാഷ് ലൈറ്റുകളും ശബ്ദസംവിധാനങ്ങളും ഉപയോഗിക്കാന് ആരാണ് അനുമതി നല്കിയതെന്നും ഈ ടൂറിസ്റ്റ് ബസിന് ആരാണ് ഫിറ്റ്നസ് നല്കിയതെന്ന് ചോദിച്ച് ഹൈക്കോടതി . അപകടത്തില് സ്വമേധയാ കേസെടുത്തതിന് പിന്നാലെയാണ് ജസ്റ്റിസ് ദേവന് രാമചന്ദ്രന് ഈ ചോദ്യം ഉന്നയിച്ചത്. സംഭവത്തില് സംസ്ഥാന സര്ക്കാരിനോടും മോട്ടോര് വാഹന വകുപ്പിനോടും ഹൈക്കോടതി വിശദീകരണം തേടി. കേസ് വ്യാഴാഴ്ച ഉച്ചയ്ക്ക് 1.45-ന് വീണ്ടും പരിഗണനയിലെടുക്കും.
https://www.facebook.com/Malayalivartha
