കെ കെ ശൈലജയുടെയും ആരോഗ്യവകുപ്പിന്റെയും കെടുകാര്യസ്ഥത കാരണം 70000-ൽ ഏറെ കോവിഡ് മരണങ്ങളാണ് കേരളത്തിൽ നടന്നതെന്ന വിമർശനവുമായി കെ സുധാകരൻ. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ;

കെ കെ ശൈലജയുടെയും ആരോഗ്യവകുപ്പിന്റെയും കെടുകാര്യസ്ഥത കാരണം 70000-ൽ ഏറെ കോവിഡ് മരണങ്ങളാണ് കേരളത്തിൽ നടന്നത്. ആരോഗ്യരംഗത്ത് മികവ് ഉണ്ടായിരുന്നിട്ടും ഫലപ്രദമായി കോവിഡിനെ നേരിടാൻ കേരളത്തിന് കഴിയാതെ പോയത് ആരോഗ്യമന്ത്രിയുടെയും ഭരണകൂടത്തിന്റെയും കഴിവില്ലായ്മ കൊണ്ട് മാത്രമാണ്.

ജനം മരണ ഭയംകൊണ്ട് നെട്ടോട്ടമോടുമ്പോൾ കോടികളുടെ അഴിമതിയാണ് ആരോഗ്യവകുപ്പിൽ കെ കെ ശൈലജയും പിണറായി വിജയനും ചേർന്ന് നടത്തിയത് .ഈ അഴിമതി കേസുകളിൽ നടപടി ഉണ്ടാകാതിരിക്കാൻ ആണ് പിണറായി വിജയൻ ലോകായുക്തയെ വന്ധ്യംകരിച്ചത്.

തിരഞ്ഞെടുപ്പ് കാലത്ത് യുഡിഎഫ് വിളിച്ചു പറഞ്ഞ സത്യങ്ങളൊക്കെയും ശരിവെക്കുന്ന തരത്തിലേക്ക് കാര്യങ്ങൾ നീങ്ങുകയാണ്.ദുരന്തകാലത്ത് ഈ നാടിനെ കൊള്ളയടിച്ച ശൈലജയും സംഘവും നിയമനടപടികൾ നേരിടുന്നതോടൊപ്പം പൊതുസമൂഹത്തിനോട് മാപ്പ് പറയാനും തയ്യാറാകണം.