കാസര്കോട് മഞ്ചേശ്വരത്ത് ബേക്കൂര് ഗവണമെന്റ് ഹയര് സെക്കണ്ടറി സ്കൂളില് ശാസ്ത്ര മേളക്കിടെ പന്തല് തകര്ന്ന് 59 പേര്ക്ക് പരിക്ക്... പന്തല് നിര്മിച്ച മൂന്നു പേര് കസ്റ്റഡിയില്.. സംഭവത്തില് അന്വേഷണ റിപ്പോര്ട്ട് സമര്പ്പിക്കാന് കാസര്കോട് വിദ്യാഭ്യാസ ഉപ ഡയറക്ടര്ക്ക് നിര്ദേശം നല്കി വിദ്യാഭ്യാസ മന്ത്രി
കാസര്കോട് മഞ്ചേശ്വരത്ത് ബേക്കൂര് ഗവണമെന്റ് ഹയര് സെക്കണ്ടറി സ്കൂളില് ശാസ്ത്ര മേളക്കിടെ പന്തല് തകര്ന്ന് 59 പേര്ക്ക് പരിക്ക്... സംഭവത്തില് അന്വേഷണ റിപ്പോര്ട്ട് സമര്പ്പിക്കാന് കാസര്കോട് വിദ്യാഭ്യാസ ഉപ ഡയറക്ടര്ക്ക് നിര്ദേശം നല്കി വിദ്യാഭ്യാസ മന്ത്രി.
ഗുരുതരമായി പരുക്കേറ്റ നാല് വിദ്യാര്ത്ഥികളേയും ഒരു അധ്യാപികയേയും മംഗലാപുരത്തെ സ്വകാര്യ ആശുപത്രിയിലേക്ക് മാറ്റി. പന്തല് നിര്മിച്ച മൂന്നു പേരെ പൊലീസ് കസ്റ്റഡിയിലെടുത്തു.
ഉച്ചയ്ക്ക് രണ്ടേകാലോടെ മഞ്ചേശ്വരം ഉപജില്ലാ ശാസ്ത്രമേളയ്ക്കിടെ പന്തല് തകര്ന്നു വീണത്. മത്സരങ്ങള് നടന്ന പ്രധാന വേദിയില്, തകര ഷീറ്റും ഇരുമ്പ് കമ്പിയും ഉപയോഗിച്ച് നിര്മ്മിച്ച പന്തലാണ് തകര്ന്ന് വീണത്. തലയ്ക്കും കൈകാലുകള്ക്കുമാണ് അധികം പേര്ക്കും പരുക്കേറ്റത്.
പരുക്കേറ്റവരെ മഞ്ചേശ്വരം താലൂക്ക് ആശുപത്രിയിലും കാസര്കോട്ടെയും മംഗലാപുരത്തേയും സ്വകാര്യ ആശുപത്രികളിലും പ്രവേശിപ്പിച്ചു. ഉച്ചഭക്ഷണത്തിന്റെ ഇടവേളയായതിനാല് കൂടുതല് കുട്ടികള് പന്തലില് നിന്ന് മാറിയിരുന്നു. അതിനാല് വലിയ അപകടമാണ് ഒഴിവായത്.
പന്തല് നിര്മാണത്തിലെ അപാകതയാണ് അപകടത്തിലേക്ക് നയിച്ചതെന്നാണ് പ്രാഥമിക നിഗമനം. സംഭവത്തില് മഞ്ചേശ്വരം പൊലീസ് അന്വേഷണം തുടങ്ങി.
"
https://www.facebook.com/Malayalivartha
