ഗവർണർ - ഗവർണ്മെന്റ് തർക്കത്തിൽ സർക്കാർ ജയിക്കണം എന്നാണ് ഞാൻ ആഗ്രഹിക്കുന്നത്. ആ തർക്കം ഒത്ത് തീർന്നാൽ പോലും അത് കേരളത്തിന്റെ മതേതര താല്പര്യങ്ങൾക്ക് അപകടമാണെന്ന് തുറന്നടിച്ച് ഫാത്തിമ തഹ്‌ലിയ. ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ;

ഗവർണർ - ഗവണ്മെന്റ് തർക്കത്തിൽ സർക്കാർ ജയിക്കണം എന്നാണ് ഞാൻ ആഗ്രഹിക്കുന്നത്. ആ തർക്കം ഒത്ത് തീർന്നാൽ പോലും അത് കേരളത്തിന്റെ മതേതര താല്പര്യങ്ങൾക്ക് അപകടമാണ്. ഒഴിഞ്ഞു കിടക്കുന്ന കേരള സർവകലാശാലയിലെ വൈസ് ചാൻസലർ സ്ഥാനത്ത് സംഘ് അജണ്ടയുള്ളയാളെ തിരുകി കയറ്റാൻ വേണ്ടിയാണ് ഗവർണർ ഈ വിലപേശൽ നാടകം നടത്തുന്നത് എന്ന് സംശയിക്കണം.

സർക്കാറുമായി ഗവർണർ ഒത്ത് തീർപ്പിലെത്തിയാൽ നമ്മുടെ സർവകലാശാലകളിൽ ഗവർണറുടെ നോമിനികൾ വി.സിമാരായി വരും. സർവകലാശാലകളിൽ കാവിവൽക്കരണം തുടങ്ങും. പ്രതിപക്ഷത്തെ വിശ്വാസത്തിലെടുത്തുള്ള ഗവർണർക്ക് എതിരെയുള്ള തുറന്ന നിയമ യുദ്ധത്തിന് സർക്കാർ മുൻകൈയെടുക്കണം.