പഠനത്തിലും കലയിലും മിടുക്കനായ റോഷന് സ്കൂളില് പോകാം..... ശ്രവണ സഹായി നഷ്ടപ്പെട്ടതോടെ പ്രയാസത്തിലായ വിദ്യാര്ത്ഥിക്ക് സഹായവുമായി തിരുവനന്തപുരം കോര്പ്പറേഷന്....
പഠനത്തിലും കലയിലും മിടുക്കനായ റോഷന് സ്കൂളില് പോകാം..... ശ്രവണ സഹായി നഷ്ടപ്പെട്ടതോടെ പ്രയാസത്തിലായ വിദ്യാര്ത്ഥിക്ക് സഹായവുമായി തിരുവനന്തപുരം കോര്പ്പറേഷന്....
തിരുവനന്തപുരം രാജാജി നഗര് കോളനിയിലെ പ്ലസ് ടു വിദ്യാര്ത്ഥിയായ റോഷന് പുതിയ ശ്രവണ സഹായി മേയര് ആര്യ രാജേന്ദ്രന് കൈമാറി. കിംസ് ഹോസ്പിറ്റലിന്റെ സഹായത്തോടെയാണ് തിരുവനന്തപുരം കോര്പ്പറേഷന് റോഷന് പുതിയ ശ്രവണ സഹായി വാങ്ങി നല്കിയത്. നിരവധി പേരാണ് റോഷനെ സഹായിക്കാന് വേണ്ടി കോര്പ്പറേഷനെ സമീപിച്ചതെന്ന് ആര്യ രാജേന്ദ്രന് .
നമുക്ക് നന്മ നഷ്ടപെട്ടിട്ടില്ലെന്ന് തോന്നിയ നിമിഷമായിരുന്നു അത്. എല്ലാവര്ക്കും ഈ അവസരത്തില് നന്ദി അറിയിക്കുവെന്നും ആര്യ . കഴിഞ്ഞ ദിവസം അച്ഛനൊപ്പം സ്കൂളില് നിന്ന് ബൈക്കില് മടങ്ങുമ്പോഴാണ് റോഷന് ശ്രവണ സഹായി നഷ്ടമായത്. സ്കൂള് ബാഗിലായിരുന്നു ഒന്നരലക്ഷം രൂപ വില വരുന്ന ശ്രവണ സഹായി ഉണ്ടായിരുന്നത്.
പഠനത്തിലും കലയിലും മിടുക്കനായ റോഷന് ശ്രവണ സഹായി നഷ്ടമായതോടെ സ്കൂളില് പോലും പോകാതെ വീട്ടിലിരിക്കുന്ന അവസ്ഥയായിരുന്നു. നാലുമാസം മുമ്പ് പുനര്ജ്ജനി പദ്ധതി വഴിയാണ് റോഷന് ശ്രവണ സഹായി കിട്ടിയത്. ജനിച്ചപ്പോള് മുതല് ഉണ്ടായിരുന്ന വലിയ പ്രശ്നങ്ങള്ക്കാണ് അതോടെ അന്ന് പരിഹാരമായത്. എന്നാല്, ശ്രവണ സഹായി നഷ്ടപ്പെട്ടതോടെ റോഷന് ആകെ പ്രയാസത്തിലായിരുന്നു. ജഗതി സ്പെഷ്യല് സ്കൂളിലെ വിദ്യാര്ത്ഥിയാണ് റോഷന്.
https://www.facebook.com/Malayalivartha
