പി.എസ്.സി ചെയര്മാനായി ഡോ. എം.ആര്. ബൈജുവിനെ നിയമിക്കാനുള്ള മന്ത്രിസഭയുടെ ശുപാര്ശയ്ക്ക് ഗവര്ണര് അംഗീകാരം നല്കി
പി.എസ്.സി ചെയര്മാനായി ഡോ. എം.ആര്. ബൈജുവിനെ നിയമിക്കാനുള്ള മന്ത്രിസഭയുടെ ശുപാര്ശയ്ക്ക് ഗവര്ണര് അംഗീകാരം നല്കി. ഡല്ഹിയിലുള്ള ഗവര്ണര്ക്ക് ഇന്നലെ ഇ-മെയിലില് നല്കിയ ശുപാര്ശയില് അദ്ദേഹം ഓണ്ലൈനായി ഒപ്പുവച്ചു.
ഇന്നു വൈകുന്നേരം മൂന്നിന് പി.എസ്.സി ആസ്ഥാനത്ത് നടക്കുന്ന ചടങ്ങില് എം.ആര്. ബൈജു സ്ഥാനമേല്ക്കും. സ്ഥാനമൊഴിയുന്ന ചെയര്മാന് എം.കെ. സക്കീര് സത്യവാചകം ചൊല്ലിക്കൊടുക്കും.
സി.ഇ.ടിയില് നിന്നു ബി.ടെക്കും ബംഗളൂരു ഇന്ത്യന് ഇന്സ്റ്റിറ്റ്യൂട്ട് ഒഫ് സയന്സില് നിന്ന് എം.ടെക്കും ഗവേഷണ ബിരുദവും നേടിയിട്ടുണ്ട്. ഗവേഷണ തീസിസിന് ഇലക്ട്രോണിക്സ് സയന്സ് ഡിവിഷന്റെ സ്വര്ണ മെഡല് ലഭിച്ചിരുന്നു. ഗവേഷണത്തിന് ഐ.ഇ.ടി.ഇയുടെ ബിമല് ബോസ് അവാര്ഡും ലഭിച്ചിട്ടുണ്ട്.
നിലവില് പി.എസ്.സി അംഗമായ ഡോ. എം.ആര്.ബൈജു വക്കം സ്വദേശിയാണ്. തിരുവനന്തപുരം സി.ഇ.ടിയില് അദ്ധ്യാപകനായിരിക്കെയാണ് 2017ല് പി.എസ്.സി അംഗമായത്. അമ്പലമുക്കിലാണ് താമസിക്കുന്നത് .
https://www.facebook.com/Malayalivartha
