പഴങ്കഞ്ഞീന്ന് ആവി പറക്കില്ലെന്നറിയാമെന്നത് പോലെ ഒരു സത്യമാണ് ഉറങ്ങി കിടക്കുന്ന നമ്മുടെ പ്രതിപക്ഷം. തിളച്ചു പൊന്തുന്ന ആവി ഒന്നും പ്രതീക്ഷിക്കുന്നില്ല ; എന്നാലും ലേശം ചളിപ്പ് എങ്കിലും വേണ്ടേ? ? ഒരു പെണ്ണ് വിളിച്ചുപ്പറഞ്ഞ പെരുംനുണയ്ക്ക് പിന്നാലെ അന്തംവിട്ടു പാഞ്ഞ അന്നത്തെ പ്രതിപക്ഷം സെക്രട്ടറിയേറ്റ് വളഞ്ഞു നടത്തിയ അമേദ്യ സമരം ഒന്നും നിങ്ങളിൽ നിന്നും പ്രതീക്ഷിക്കുന്നില്ല പ്രതിപക്ഷമേ. കാരണം രണ്ടും രണ്ട് സംസ്കാരമാണല്ലോ. നിർണായകമായ കുറിപ്പ് പങ്കു വച്ച് അഞ്ജു പാർവതി.

ഫേസ്ബുക്കിൽ കുറിച്ചത് ഇങ്ങനെ; പഴങ്കഞ്ഞീന്ന് ആവി പറക്കില്ലെന്നറിയാമെന്നത് പോലെ ഒരു സത്യമാണ് ഉറങ്ങി കിടക്കുന്ന നമ്മുടെ പ്രതിപക്ഷം. തിളച്ചു പൊന്തുന്ന ആവി ഒന്നും പ്രതീക്ഷിക്കുന്നില്ല ; എന്നാലും ലേശം ചളിപ്പ് എങ്കിലും വേണ്ടേ? ഒരു പെണ്ണ് വിളിച്ചുപ്പറഞ്ഞ പെരുംനുണയ്ക്ക് പിന്നാലെ അന്തംവിട്ടു പാഞ്ഞ അന്നത്തെ പ്രതിപക്ഷം സെക്രട്ടറിയേറ്റ് വളഞ്ഞു നടത്തിയ അമേദ്യ സമരം ഒന്നും നിങ്ങളിൽ നിന്നും പ്രതീക്ഷിക്കുന്നില്ല പ്രതിപക്ഷമേ. കാരണം രണ്ടും രണ്ട് സംസ്കാരമാണല്ലോ. പക്ഷേ നിർജ്ജീവമായി കിടക്കുന്ന പ്രതിപക്ഷത്തിൽ നിന്നും നേരിയ ജീവൻ്റെ ചലനമെങ്കിലും പ്രതീക്ഷിക്കുന്നുണ്ട് പൊതുസമൂഹം.

ആഞ്ഞടിക്കാൻ കൺമുന്നിൽ എത്ര മാത്രം വിഷയങ്ങളാണ്. സ്വർണ്ണക്കടത്ത് മുതൽ ലഹരി മാഫിയ വരെ, ആഭാസമായ ആഭ്യന്തരം മുതൽ മന്ത്രിപുംഗവന്മാരുടെ ആഭാസലീലകൾ വരെ. സ്വജനപക്ഷപാതം മുതൽ പിൻവാതിൽ നിയമനങ്ങൾ വരെ. വിഷയങ്ങൾ സമൃദ്ധമായിട്ടുണ്ട്. പക്ഷേ പ്രതികരണശേഷിയില്ലാത്ത പ്രതിപക്ഷത്തിൽ നിന്നും എന്ത് പ്രതീക്ഷിക്കുവാൻ ? സ്വപ്ന സുരേഷ് എന്ന കള്ളക്കടത്ത് കേസിലെ പ്രതി വിളിച്ചുപ്പറഞ്ഞ വാക്കുകൾ എന്തുകൊണ്ട് പ്രതിപക്ഷം ആയുധമാക്കുന്നില്ല? ഇത്തരമൊരു ആരോപണം ഉന്നയിക്കുമ്പോൾ CPM പ്രതിപക്ഷത്തായിരിന്നുവെങ്കിൽ ഈ കേരളം കത്തിയേനേ.

അവന്മാർ കത്തിച്ചേനേ. അങ്ങനെയെങ്കിൽ കേരളാ മുഖ്യന് Z കാറ്റഗറി സുരക്ഷയൊന്നും പോരാതെ വന്നേനെ. പറഞ്ഞിട്ടെന്ത് കാര്യം? സ്വർണ്ണകള്ളക്കടത്ത് കേസിൽ അകത്ത് കിടന്ന ശിവശങ്കർ തിരികെ വന്ന് എല്ലാ പ്രിവിലേജുകളോടും കൂടെ അധികാര കസേരയിൽ അമർന്നിരിപ്പുണ്ട്. എന്നിട്ട് പ്രതിപക്ഷം എന്ത് തേങ്ങ ചെയ്തു. ഒന്നുമില്ല. പൊതുജനം ഇത് വിളിച്ചു ചോദിച്ചാൽ സിൽവർ ലൈൻ സമരം ഞങ്ങൾ പൊളിച്ചില്ലേ എന്നു മറു ചോദ്യം ചോദിക്കും വെള്ള വസ്ത്രത്തിൽ കറ പുരളാത്ത ഊത്തന്മാർ. ചെയ്തത് പ്രതിപക്ഷമായിരുന്നില്ല;

അള മുട്ടിയാൽ ചേരയും കടിക്കുമെന്ന് തിരിച്ചറിഞ്ഞ നാട്ടുകാരായിരുന്നു. പ്രതിപക്ഷ നേതാവും KPCC പ്രസിഡൻ്റും മാറിയാൽ ഇവിടെ പലതും നടക്കും എന്ന് പ്രതീക്ഷിച്ചത് വെറുതെ. ഒന്നും നടന്നില്ല; നടക്കുന്നില്ല! അവര് കട്ടാലും നക്കിയാലും മുക്കിയാലും എന്തിന് കൊന്നാൽ പോലും ചോദിക്കാൻ ഒരു ശ്വാനനും ഇല്ലെന്ന് കമ്മികൾക്ക് നന്നായിട്ടറിയാം. പ്രതിപക്ഷ വേഷം കെട്ടി നിർജ്ജീവമായി ഇരിക്കുന്നതിനേക്കാൾ നല്ലത് അവറ്റകളുടെ കൂടെ ചേർന്ന് B ടീമായി നിന്ന് ജനങ്ങളുടെ നെഞ്ചത്ത് റീത്ത് വയ്ക്കുന്നതാണ്. Shame on you Kerala Opposition!