ഹൈക്കോടതി കടുത്ത ഭാഷ ഉപയോഗിച്ചു , മത നേതാക്കള് കോടതിയില്... കയറി മേയണ്ട്... മതനേതാക്കള് ഒതുങ്ങണം
മത നേതാക്കളോട് കോടതി കാര്യങ്ങളില് അഭിപ്രായം പറയുന്നത് ഉചിതമല്ലെന്ന് ഹൈക്കേടതി നിരീക്ഷിച്ചു. മത നേതാക്കള് മതപരമായ കാര്യങ്ങളില് അഭിപ്രായം പറഞ്ഞാല് മതിയെന്നും കോടതി വിധി നിശ്ചയിക്കേണ്ടത് മതനേതാക്കളല്ലെന്നും കോടതി വ്യക്തമാക്കി. മതനേതാക്കള്ക്ക് നിയമകാര്യങ്ങളില് പരിശീലനം ലഭിച്ചിട്ടില്ലെന്നും അതുകൊണ്ട് തന്നെ നിയമപ്രശ്നങ്ങളില് തീരുമാനമെടുക്കുമ്പോള് മതനേതാക്കളുടെ അഭിപ്രായങ്ങള്ക്ക് വഴങ്ങില്ലെന്നും ഹൈക്കോടതി വിശദീകരിച്ചു.
വിശ്വാസത്തിന്റെയും ആചാരത്തിന്റെയും കാര്യത്തില് മാത്രമേ മതനേതാക്കളുടെ അഭിപ്രായങ്ങള് പരിഗണിക്കാവൂ എന്ന് ജസ്റ്റിസുമാരായ മുഹമ്മദ ്മുഷ്താഖ്, സി.എസ്.ഡയസ് എന്നിവര് പറഞ്ഞു. ശബരിമല യുവതി പ്രശ്നം ഉള്പ്പടെയുള്ള കാര്യങ്ങളില് മതനതാക്കളുടെ അഭിപ്രായം കോടതികള് ആരാഞ്ഞിട്ടുണ്ട്. എന്നാല് രണ്ട് വ്യക്തികളുടെ ജീവിതവുമായി ബന്ധപ്പെട്ട വിഷയങ്ങളില് മതനേതാക്കളുടെ ഇടപെടല് കോടതികള്ക്ക് അസഹനിയതയുണ്ടാക്കുന്നുണ്ട്.
ഭര്ത്താവിന്റെ എതിര്പ്പ് കണക്കിലെടുക്കാതെ തന്നെ മുസ്ലീം വനിതയ്ക്ക് വിവാഹ മോചനം നേടാന് അവകാശമുണ്ടെന്ന വിധി പുനപരിശോധിക്കണമെന്നാവശ്യപ്പെട്ടുള്ള ഹര്ജി തള്ളി കൊണ്ടാണ് കേടതി മതനേതാക്കളെ ഒഴിവാക്കിയത്. ഭര്ത്താവിന്റെ സമ്മതമില്ലാതെ മുസ്ലീം സത്രീകള്ക്ക് വിവാഹമോചനം അനുവദിയ്ക്കാന് പാടില്ലെന്നാണ് മതനേതാക്കള് കോടതിയില് വാദിച്ചത്.
കോടതിയില് പ്രവര്ത്തിക്കേണ്ടത് നിയമത്തില് പരിശീലനം നേടിയവരാണ്.മതനേതാക്കള് നിയമ കാര്യത്തില് പരിശീലനം നേടിയവരായിരിക്കില്ല. അതുകൊണ്ട് തന്നെ നിയമ പ്രശ്നത്തില് തീരുമാനമെടുക്കുമ്പോള് അവരുടെ അഭിപ്രായങ്ങള്ക്ക് കോടതികള് വഴങ്ങില്ല. എന്നാല് ആചാരത്തിന്റെയും വിശ്വാസത്തിന്റെയുമൊക്കെ കാര്യത്തില് മതനേതാക്കള്ക്കും പുരോഹിതന്മാര്ക്കും അഭിപ്രായങ്ങള് പറയാമെന്നും കേസ് പരിഗണിക്കുന്ന ബെഞ്ച് വ്യക്തമാക്കി.
വിവാഹം, വിവാഹ മോചനം, പുനര് വിവഹം തുടങ്ങിയ കാര്യങ്ങളില് വ്യക്തമായ നിയമം രാജ്യത്ത് നിലവിലുണ്ട്. അവയക്കനുസരിച്ചാണ് കോടതികള് വിധി പ്രസ്താവിക്കുന്നതും എന്നാല് ചില മത നേതാക്കള് രാഷ്ട്രീയത്തില് ഇടപെടുന്നതു പോലെയാണ് കോടതി നടപടികളില് ഇടപെടുന്നത്. ഇത്തരം നടപടികള് ആവര്ത്തിക്കാതിരിക്കാനുള്ള മുന്കരുതല് മത സമുദായ നേതാക്കള് കൈക്കൊള്ളണമെന്നും കോടതി ഓര്മ്മിപ്പിക്കുന്നു.
ഏക സിവില് കോഡ് , ശരീയത്ത് നിയമങ്ങള്, ശബരിമല , യുവതി പ്രവേശനം തുടങ്ങി പല കാര്യങ്ങളിലും മതനേതാക്കളുടെ ഇടപെടല് കോടതി നടപടികളെ ദോഷകരമായി ബാധിച്ചിട്ടുണ്ട്. പൊതുജനത്തിനിടയില് കോടതിയെ അപകീര്ത്തിപ്പെടുത്തുന്ന നടപടിക്രമങ്ങളും നിലവിലുണ്ട് . കോടതികള് യുക്തിസഹമായ സാഹചര്യത്തില് നിയമാവലിയക്കുള്ളില് നിന്ന് തീരുമാനമെടുക്കുമ്പോള് മത നേതാക്കള് മതഗ്രന്ഥങ്ങളുടെ വക്താക്കളായി വരുന്നത് നിയമവ്യവസ്ഥയ്ക്ക് എതിരാണെന്നും കോടതി വിലയിരുത്തി.
ശബരിമല യുവതീ പ്രവേശന വിഷയത്തില് കോടതികള്ക്ക് തീരുമാനം എടുക്കാന് സാധിക്കുന്നതിന് അപ്പുറമായിരുന്ന മതനേതാക്കളുടെ അഭിപ്രായ പ്രകടനങ്ങള്. യാതൊരു തെളിവുമില്ലാത്ത കാര്യങ്ങള് നിരത്തിയാണ് അവര് വാദിച്ചു കൊണ്ടിരുന്നത്. ശബരിമല യുവതി പ്രവേശനത്തില് സര്ക്കാര് എടുത്ത നിലപാടുകള്ക്ക് വിരുദ്ധമായിരുന്നു മതനേതാക്കളുടേത്.
വ്യക്തി നിയമങ്ങളും പൗരാവകാശങ്ങളും കോടതിയുടെ നിരീക്ഷണത്തിലാണ്. എന്നാല് പൗരന്റെ അവകാശങ്ങള് മതപരമായി ഒതുക്കി നിര്ത്താവുന്നതല്ല. വിവാഹവും വിവാഹ മോചനവും സമൂഹത്തില് നടക്കുന്നുണ്ട്. വിവാഹം നടക്കുന്നത് മതപരമായി ചടങ്ങുകളിലുടെയാണെങ്കിലും വിവാഹ മോചനം അപ്രകാരമല്ല. അത് നിയമപരമായി കോടതി ഇടപെടലുകളിലൂടെ മാത്രമേ നടക്കുകയുള്ളൂ എന്നു കോടതി മതമേലധികാരികളെ ഓര്മ്മിപ്പിക്കുന്നുണ്ട്.
https://www.facebook.com/Malayalivartha
