വിദ്യാഭ്യാസ സംരക്ഷണ കൂട്ടായ്മ സംഘടിപ്പിക്കുന്ന സംസ്ഥാന കണ്വെന്ഷന് ഇന്ന്... മുഖ്യമന്ത്രി പിണറായി വിജയന് കണ്വെന്ഷന് ഉദ്ഘാടനം ചെയ്യും
വിദ്യാഭ്യാസ സംരക്ഷണ കൂട്ടായ്മ സംഘടിപ്പിക്കുന്ന സംസ്ഥാന കണ്വെന്ഷന് ഇന്ന്... മുഖ്യമന്ത്രി പിണറായി വിജയന് കണ്വെന്ഷന് ഉദ്ഘാടനം ചെയ്യും. കേരളത്തിനെതിരായ നീക്കം ചെറുക്കുക, ഉന്നത വിദ്യാഭ്യാസ മേഖലയെ സംരക്ഷിക്കുക എന്നീ മുദ്രാവാക്യങ്ങളുയര്ത്തി വിദ്യാഭ്യാസ സംരക്ഷണ കൂട്ടായ്മ സംഘടിപ്പിക്കുന്ന സംസ്ഥാന കണ്വെന്ഷനിലാണ് അദ്ദേഹം പങ്കെടുക്കുക.
വിവിധ മേഖലകളിലെ വിദഗ്ധര് പങ്കെടുക്കുന്ന കണ്വെന്ഷന് നിയന്ത്രിക്കുന്നത് ഇടതുമുന്നണിയാണ്. എകെജി സെന്ററിനോട് ചേര്ന്നള്ള എകെജി ഹാളിലാണ് യോഗം നടക്കുക. സര്വകലാശാല വിഷയത്തില് സര്ക്കാരുമായി ഉടക്കി നില്ക്കുന്ന ഗവര്ണര്ക്കെതിരെയുള്ള പ്രത്യക്ഷസമരമായാണ് വിലയിരുത്തുന്നത്.
അതേസമയം, രാഷ്ട്രീയ സമരമല്ലാത്തിനാലാണ് മുഖ്യമന്ത്രി പങ്കെടുക്കുന്നതെന്നാണ് എല്ഡിഎഫ് നേതൃത്വത്തിന്റെ വിശദീകരണം. വൈകീട്ട് മൂന്നിന് എ.കെ.ജി ഹാളില് നടക്കുന്ന പരിപാടിയില് സി.പി.എം സംസ്ഥാന സെക്രട്ടറി എം.വി ഗോവിന്ദനും സി.പി.ഐ സംസ്ഥാന സെക്രട്ടറി കാനം രാജേന്ദ്രനും പങ്കെടുക്കുന്നുണ്ട്.
ഗവര്ണര്ക്കെതിരെ എല്.ഡി.എഫ് പ്രത്യക്ഷ സമരം നടത്തുന്നുണ്ടെങ്കിലും മുഖ്യമന്ത്രി ആദ്യമായാണ് സമരത്തില് പങ്കെടുക്കുന്നത്. എന്നാല്, 15ന് രാജ്ഭവന് മുന്നില് നടക്കുന്ന പ്രതിഷേധ പരിപാടിയില് മുഖ്യമന്ത്രി പങ്കെടുക്കുന്നില്ല. രാഷ്ട്രീയ പരിപാടി ആയതിനാലാണ് അതില് പങ്കെടുക്കാത്തതെന്നും ഇന്ന് നടക്കുന്നത് അത്തരത്തില് അല്ലെന്നുമാണ് മുന്നണി നേതൃത്വത്തിന്റെ വിശദീകരണം.
എല്ഡിഎഫ് കണ്വീനര് ഇ പി ജയരാജന് സ്വാഗതം ആശംസിക്കുന്ന കണ്വെന്ഷനില് സിപിഐ സംസ്ഥാന സെക്രട്ടറി കാനം രാജേന്ദ്രന് അദ്ധ്യക്ഷത വഹിക്കും. എം വി ഗോവിന്ദന്, അഡ്വ. റോണി മാത്യു, മാത്യു ടി തോമസ്, പി സി ചാക്കോ, വര്ഗ്ഗീസ് ജോര്ജ്ജ്, രാമചന്ദ്രന് കടന്നപ്പള്ളി, ആന്റണി രാജു, അഹമ്മദ് ദേവര്കോവില്, കെ ബി ഗണേഷ് കുമാര് എംഎല്എ, ബിനോയ് ജോസഫ് തുടങ്ങിയവരും, വിദ്യാഭ്യാസ സാമൂഹ്യ സാംസ്കാരിക മേഖലയിലെ പ്രമുഖരും ബഹുജന കണ്വെന്ഷനില് പങ്കെടുക്കും.
അതേസമയം, വിസിമാരെ പുറത്താക്കാനുള്ള നടപടികളുമായി ഗവര്ണര് മുന്നോട്ട് പോകുകയാണ്. കാരണം കാണിക്കാനുള്ള സമയം നാളെ അവസാനിക്കുമെന്ന് ഓര്മിപ്പിച്ച് ഗവര്ണര് വിസിമാര്ക്ക് വീണ്ടും കത്ത് നല്കി. ഗവര്ണറുടെ പുറത്താക്കല് നടപടിക്കെതിരെ കേരള സര്വകലാശാല സെനറ്റ് അംഗങ്ങള് നല്കിയ ഹര്ജി ഹൈക്കോടതി ഇന്ന് വീണ്ടും പരിഗണിക്കും.
" fr
https://www.facebook.com/Malayalivartha
