വാഗമണില്‍ യുവതി ജീവനൊടുക്കിയ സംഭവത്തില്‍ പ്രേരണക്കുറ്റത്തിന് ഭര്‍ത്താവ് അറസ്റ്റിലായി. വാഗമണ്‍ കോലാഹലമേട് ശങ്കുശേരില്‍ ശരത് ശശികുമാര്‍ (31) ആണ് അറസ്റ്റിലായത്.

കഴിഞ്ഞ ജൂലൈ 12നാണ് ശരത്തിന്റെ വീട്ടില്‍ ഭാര്യ രമ്യ (ശരണ്യ - 28) ജീവനൊടുക്കിയത്. ഗാര്‍ഹികപീഡനത്തെത്തുടര്‍ന്നാണു ശരണ്യ മരിച്ചതെന്നു പരാതി ഉയര്‍ന്നിരുന്നു.

ഒരു വര്‍ഷം മുന്‍പാണു ശരത്തിന്റെയും ശരണ്യയുടെയും വിവാഹം നടന്നത്. ശരത്തിന്റെ രണ്ടാം വിവാഹമായിരുന്നു. ശരത്തിന്റെ ആദ്യ ഭാര്യയും ജീവനൊടുക്കിയിരുന്നു. ശരത്തില്‍ നിന്നു നിരന്തരം മാനസികപീഡനവും ഉപദ്രവവും രമ്യ നേരിട്ടിരുന്നതായി അന്വേഷണത്തില്‍ തെളിഞ്ഞതായി പൊലീസ് പറഞ്ഞു.