പ്രായപൂർത്തിയാകാത്ത പെൺകുട്ടിയെ പീഡിപ്പച്ച കേസിൽ പ്രതികൾ അറസ്റ്റിൽ. പെൺകുട്ടിയെ നിരന്തരം പീഡിപ്പിച്ച കേസിലാണ് 71 വയസുകാരനുള്‍പ്പെടെ രണ്ടു പേർ പിടിയിലായത്. വഞ്ചിയൂർ സ്വദേശി ബിജു ( 46) ഇയാളുടെ സുഹൃത്ത് ബാബു (71) എന്നിവരെയാണ് പോലീസ് പിടിയികൂടിയത്.

കിളിമാനൂരിലാണ് സംഭവം നടന്നത്. 2021 മുതലാണ് കേസിനാസ്പദമായ സംഭവം നടക്കുന്നത്. തുടർന്ന് പ്രതികളിൽ ഒരാളായ ബിജു അയൽവാസിയായ പെൺകുട്ടിയെ തന്റെ വീട്ടിൽ എത്തിച്ച് പീഡിപ്പിക്കുകയായിരുന്നെന്നാണ് പരാതി. എന്നാൽ പുറത്ത് പറയാതിരിക്കാൻ ഭീഷണിപ്പെടുത്തുകയും ചെയ്തു. മാത്രമല്ല സുഹൃത്തായ ബാബുവാണ് പെൺകുട്ടിയെ പീഡിപ്പിക്കുന്നതിന് ബിജുവിന് വേണ്ട സഹായങ്ങൾ ചെയ്തു നൽകിയത്.

അതേസമയം പീഡനം സഹിക്കാൻ കഴിയാത്തതിനെ തുടർന്ന് കഴിഞ്ഞ ദിവസം പെൺകുട്ടി ആത്മഹത്യയ്‌ക്ക് ശ്രമിക്കുകയായിരുന്നു. ഇതോടെയാണ് വിവരം കുടുംബം അറിയുന്നത്. ഇതിനു പിന്നാലെ പ്രതികൾക്കെതിരെ പെൺകുട്ടിയും അമ്മയും ചേർന്ന് നഗരൂർ പോലീസിൽ പരാതി നൽകി. പരാതിയുടെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതികൾ പിടിയിലായത്.