കുറവൻകോണത്തെ വീട്ടിൽ കയറി അതിക്രമം നടത്തിയ സംഭവത്തിൽ അറസ്റ്റിലായ പ്രതി സന്തോഷിനെ പ്രൈവറ്റ് സെക്രട്ടറിയുടെ ഡ്രൈവർ സ്ഥാനത്ത് നിന്ന് ഒഴിവാക്കുമെന്ന് വ്യക്തമാക്കി മന്ത്രി റോഷി അഗസ്റ്റിൻ രംഗത്ത് എത്തുകയുണ്ടായി. കേസിൽ ഒരു തരത്തിലുള്ള ഇടപെടലുകളും ഉണ്ടാവില്ലെന്നും മന്ത്രി പറയുകയുണ്ടായി. വാട്ടർ അതോറിറ്റിയുടെ കരാർ ജീവനക്കാരനാണ് സന്തോഷെന്നും തന്റെ ഓഫീസുമായി പ്രതിക്ക് ബന്ധമില്ലെന്നും മന്ത്രി ചൂണ്ടിക്കാണിച്ചു. ഇയാൾക്കെതിരെ നടപടിയെടുക്കാൻ നിർദേശം നൽകിയെന്നും ഉടൻ പുറത്താക്കുമെന്നും മന്ത്രി വ്യക്തമാക്കി. വാട്ടർ അതോറിറ്റിയിൽ സന്തോഷ് വേണമോ ഇല്ലയോ എന്നത് കേസിന്റെ മെറിറ്റ് നോക്കി തീരുമാനിക്കണമെന്നും അത് ഉടനെ ഉണ്ടാകണമെന്നും മന്ത്രി വാട്ടർ അതോറിറ്റിക്ക് നിർദേശം നൽകുകയുണ്ടായി.

അതോടൊപ്പം തന്നെ കഴിഞ്ഞ ദിവസമാണ് മ​ല​യി​ൻ​കീ​ഴ് ​സ്വ​ദേ​ശി​​ ​സ​ന്തോ​ഷി​നെ​ ​ പൊലീസ് അറസ്റ്റ് ചെയ്തത്. മ്യൂ​സി​യ​ത്തി​ന് ​സ​മീ​പം​ ​വ​നി​താ​ ​ഡോ​ക്ട​റെ​ ​ആ​ക്ര​മി​ച്ച​ സംഭവത്തിലും പ്രതി ഇയാളാണെന്ന് പരാതിക്കാരി തിരിച്ചറിയുകയുണ്ടായി. ഈ കേസിലും സന്തോഷിന്റെ അറസ്റ്റ് ഉടൻ രേഖപ്പെടുത്തുന്നതാണ്. ​സി സി​ ​ടി​വി​ ​ദൃ​ശ്യ​ങ്ങ​ളു​ടെ​ ​സൂ​ക്ഷ​മ​മാ​യ​ ​പ​രി​ശോ​ധ​ന​യ്‌​ക്ക് ​പി​ന്നാ​ലെ​ ​ര​ണ്ടും​ ​ഒ​രാ​ളാ​ണെ​ന്ന​ ​നി​ഗ​മ​ന​ത്തി​ലെ​ത്തി​ൽ പൊലീസ് എത്തിയിരുന്നു. പി​ടി​യി​ലാ​കു​മ്പോ​ൾ​ ​തന്നെ രൂ​പ​മാ​റ്റം​ ​വ​രു​ത്താ​നാ​യി​ ​ഇ​യാ​ൾ​ ​ത​ല​ ​മൊ​ട്ട​യ​ടി​ച്ചി​രു​ന്നു. ആ​ക്ര​മ​ണ​മു​ണ്ടാ​യി​ ​ഏ​ഴാം​ ​ദി​വ​സം​ ​പേ​രൂ​ർ​ക്ക​ട​ ​പൊ​ലീ​സാണ് പ്ര​തി​യെ​ ​​കയ്യോടെ പി​ടി​കൂ​ടി​യത്. ​

ക​ഴി​ഞ്ഞ​ ​ബു​ധ​നാ​ഴ്ച​ ​പു​ല​ർ​ച്ചെ​യാ​യി​രു​ന്നു​ ​സംഭവം. വ​നി​താ​ഡോ​ക്ട​റെ​ ​അ​ജ്ഞാ​ത​ൻ​ ​ആ​ക്ര​മി​ക്കുകയായിരുന്നു.​ ​കേ​സ​ന്വേ​ഷ​ണം​ ​ആ​രം​ഭി​ച്ച​പ്പോ​ൾ​ ​തന്നെ ര​ണ്ട് ​പ്ര​തി​ക​ളും​ ​ഒ​ന്നാ​കാ​ൻ​ ​സാ​ദ്ധ്യ​ത​യി​ല്ലെ​ന്ന​ ​നി​ഗ​മ​ന​ത്തി​ലാ​യി​രു​ന്നു​ ​പൊ​ലീ​സ് എത്തിയത്.​ എന്നാൽ ര​ണ്ടും​ ​ഒ​രാ​ളാ​ണെ​ന്നു​ള്ള​തി​ന് ​മ​റ്റ് ​തെ​ളി​വു​ക​ളൊ​ന്നും​ ​ല​ഭി​ച്ചി​ട്ടു​മി​ല്ല.​ ​ര​ണ്ടു​പേ​രു​ടെ​യും​ ​ശാ​രീ​രി​ക​പ്ര​കൃ​തി​ ​വ്യ​ത്യ​സ്ഥ​മാ​ണെ​ന്നാ​ണ് ​പൊ​ലീ​സ് ​നേ​ര​ത്തെ​ ​പ​റ​ഞ്ഞി​രു​ന്ന​ത്. ഡോ​ക്ട​റെ​ ​ആ​ക്ര​മി​ച്ച​ ​ദി​വ​സം​ ​രാ​ത്രി​ ​മു​ഴു​വ​ൻ​ ​കു​റ​വ​ൻ​കോ​ണം​ ​ഭാ​ഗ​ത്ത് ​ഒ​രു​ ​അ​ക്ര​മി​യു​ണ്ടാ​യി​രു​ന്നു.​ ​ഇ​വി​ടെ​ ​ഒ​രു​ ​വീ​ടി​ന്റെ​ ​പൂ​ട്ട് ​ത​ക​ർ​ക്കാ​നും​ ​ശ്ര​മി​ച്ചി​രു​ന്നതായി കണ്ടെത്തിയിട്ടുണ്ട്.

ഇതുകൂടാതെ വ​നി​താ​ ​ഡോ​ക്ട​റെ​ ​ആ​ക്ര​മി​ച്ച​യാ​ളെ​ത്തി​യ​ ​കാ​ർ​ ​രാ​ത്രി​ ​മു​ഴു​വ​ൻ​ ​ക​വ​ടി​യാ​ർ​ ​ഭാ​ഗ​ത്ത് ​നി​റു​ത്തി​യി​ട്ടി​രു​ന്ന​താ​യി​ ​ക്യാ​മ​റ​ ​ദൃ​ശ്യ​ങ്ങ​ളി​ൽ​ ​നി​ന്ന് ​ക​ണ്ടെ​ത്തിയിരുന്ന.​ ​രാ​ത്രി​ ​പ​ത്തോ​ടെ​ ​ഇ​വി​ടെ​ ​കൊ​ണ്ടി​ട്ട​ ​കാ​ർ​ ​പു​ല​ർ​ച്ചെ​ ​നാ​ലി​ന് ​മു​മ്പാ​ണ് ​തി​രി​ച്ചെ​ടു​ത്തത്.​ ​പി​ന്നീ​ട് ​മ്യൂ​സി​യം​ ​ഭാ​ഗ​ത്തേ​ക്ക് ​വ​രി​ക​യാ​യി​രു​ന്നു.​ ​വാ​ഹ​നം​ ​പാ​ർ​ക്ക് ​ചെ​യ്‌​തി​ട്ട് ​ഇ​യാ​ൾ​ ​കു​റ​വ​ൻ​കോ​ണം​ ​ഭാ​ഗ​ത്തേ​ക്ക് ​പോ​യ​താ​കാ​മെ​ന്നാ​ണ് ​സം​ശ​യം.​ ​സം​ഭ​വ​ത്തി​ൽ​ പത്തിലേ​റെ​ ​പേ​രെ​ ​ചോ​ദ്യം​ ​ചെ​യ്തെ​ന്നാ​ണ് ​ലഭ്യമാകുന്ന വി​വ​രം. ഇ​യാ​ളു​ടെ​ ​മൊ​ബൈ​ൽ​ ​ഫോ​ൺ​ ​രേ​ഖ​ക​ൾ​ ​കൂ​ടി​ ​പൊ​ലീ​സ് ​പ​രി​ശോ​ധി​ച്ചു വരുക​യാ​ണ്.​