സർക്കാർ ഗവർണർ പോര് മുറുകുന്നതിനിടെ ആരിഫ് മുഹമ്മദ് ഖാന് എതിരെ യെച്ചൂരിയുടെ വിമർശനം. ഗവര്‍ണര്‍ ആരിഫ് മുഹമ്മദ് ഖാന് എതിരെ ശക്തമായ വിമര്‍ശനം ഉന്നയിച്ചാണ് സിപിഎം ജനറല്‍ സെക്രട്ടറി സീതാറാം യെച്ചൂരി രംഗത്ത് എത്തിയത്.

അതേസമയം വിസിയെ തിരിച്ച് വിളിക്കാനോ സംസ്ഥാനത്തെ മന്ത്രിയുടെ രാജി ചോദിക്കാനോ ഗവര്‍ണര്‍ക്ക് അധികാരമില്ലെന്ന് യെച്ചൂരി വ്യക്തമാക്കി. നിലവിൽ ഉന്നത വിദ്യാഭ്യാസ രംഗത്ത് ഹിന്ദുത്വ നയങ്ങള്‍ നടപ്പാക്കാനുളള ശ്രമം ആണ് നടക്കുന്നത് എന്നും സീതാറാം യെച്ചൂരി കുറ്റപ്പെടുത്തി.

മാത്രമല്ല സര്‍വ്വകലാശാലകില്‍ കടന്നുകയറ്റത്തിനുളള ബിജെപി നീക്കമാണ് ഇപ്പോള്‍ നടക്കുന്നതെന്നും ഉന്നതവിദ്യാഭ്യാസ മേഖലയില്‍ ഹിന്ദുത്വ നയങ്ങള്‍ ആവിഷ്‌കരിക്കാനുള്ള ശ്രമങ്ങളും വ്യാപകമായി നടക്കുകയാണെന്നും യെച്ചൂരി പറയുന്നു. ഈ സാഹചര്യത്തിൽ ഇതിനെതിരെ എല്ലാ മതേതര ജനാധിപത്യ പാര്‍ടികളും രംഗത്തു വരണമെന്നും, രാജ്യത്തിന്റെ ഫെഡറലിസത്തെ തകര്‍ക്കാനുള്ള നീക്കങ്ങള്‍ വലിയതോതിൽ നടക്കുകയാണെന്നും ഇത്തരം നീക്കങ്ങളെ ചെറുക്കണമെന്നും യെച്ചൂരി പറഞ്ഞു.