കന്യാകുമാരി ജില്ലയിലെ രാമവര്‍മ്മന്‍ ചിറ സ്വദേശിനി ഗ്രീഷ്മയുടെ പ്രണയ ചതിയിൽ കൊല്ലപ്പെട്ട ഷാരോണ്‍ രാജിന്റെ കുടുംബത്തെ സന്ദർശിച്ച് ഗതാഗതമന്ത്രി ആന്റണി രാജു. തിരുവനന്തപുരം പാറശാലയിലെ വീട്ടിലാണ് അദ്ദേഹം എത്തിയത്.

തുടർന്ന് കുടുംബത്തിന് നീതി ലഭിക്കുമെന്ന് ആന്റണി രാജു പറഞ്ഞു. ഷാരോണിന്റെ അച്ഛനോടും അമ്മയോടും സംസാരിച്ചു. ഗവൺമെന്റിന്റെ ഭാഗത്ത് നിന്നും നിയമപരമായ ആനുകൂല്യം ഉണ്ടാകുമെന്നും, ക്രൈം ബ്രാഞ്ച് തന്നെ കേസ് അന്വേഷിക്കുമെന്നും അദ്ദേഹം പറഞ്ഞു.

അതേസമയം ക്രൈം ബ്രാഞ്ച് അന്വേഷണത്തിൽ പ്രതിയായ ഗ്രീഷ്മയ്ക്ക് കടുത്ത ശിക്ഷ തന്നെ വാങ്ങി നൽകുമെന്നും. കൂടെ ഉണ്ടാകുമെന്നും ആന്റണി രാജു ഉറപ്പ് നൽകുകയും ചെയിതു. തുടർന്ന് കുടുംബത്തെ സമാധാനിപ്പിച്ചതിന് ശേഷം ഏറെ നേരം ചിലവഴിച്ചതിനു ശേഷമാണു അദ്ദേഹം മടങ്ങിയത്.

അതേസമയം കേസിൽ അറസ്റ്റിലായ പ്രതി ഗ്രീഷ്മയെ കസ്റ്റഡിയില്‍ കിട്ടാന്‍ പൊലീസ് അപേക്ഷ നല്‍കും. ഗ്രീഷ്മയുടെ വീടിനുള്ളില്‍ അടക്കം തെളിവെടുപ്പ് നടത്താനാണ് തീരുമാനം. ഗ്രീഷ്മയുടെ അമ്മ സിന്ധു,അമ്മാവന്‍ നിര്‍മ്മല്‍ കുമാര്‍ എന്നിവരെ വിവിധ സ്ഥലങ്ങളിലെത്തിച്ച് ഇന്നലെ തെളിവെടുപ്പ് നടത്തി.