കേരളത്തില് മഴ ശക്തമാകുന്നു.... ഇടുക്കി ജില്ലയില് ഇന്ന് ഓറഞ്ച് അലര്ട്ട്, ഒമ്പത് ജില്ലകളില് യെല്ലോ അലര്ട്ട്, കേരളാ തീരത്ത് രണ്ടു ദിവസം മത്സ്യബന്ധനത്തിന് വിലക്ക്
കേരളത്തില് മഴ ശക്തമാകുന്നു.... ഇടുക്കി ജില്ലയില് ഇന്ന് ഓറഞ്ച് അലര്ട്ട്, ഒമ്പത് ജില്ലകളില് യെല്ലോ അലര്ട്ട്, കേരളാ തീരത്ത് രണ്ടു ദിവസം മത്സ്യബന്ധനത്തിന് വിലക്ക്.
് ഇടുക്കി അടക്കം പലയിടങ്ങളിലും ഇന്ന് ഇടിയോടുകൂടിയ ശക്തമായ മഴപെയ്യുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്.
കൊല്ലം, പത്തനംതിട്ട, കോട്ടയം, എറണാകുളം, തൃശ്ശൂര് പാലക്കാട്, മലപ്പുറം, കോഴിക്കോട് വയനാട് എന്നീ 9 ജില്ലകളില് ജില്ലകളില് യെല്ലോ അലര്ട്ടാണ്.
നാളെയും മഴ തുടരും. ഇടുക്കി അടക്കം 9 ജില്ലകളില് നാളെയും യെല്ലോ അലര്ട്ടുണ്ട്. ബംഗാള് ഉള്ക്കടലില് ശ്രീലങ്കയുടെ വടക്കുകിഴക്കന് തീരത്ത് രൂപം കൊണ്ട ന്യൂനമര്ദ്ദത്തിന്റെ ശക്തികൂടിയതാണ് മഴയ്ക്ക് കാരണം. കേരളാ തീരത്ത് ശനി, ഞായര് ദിവസങ്ങളില് മത്സ്യബന്ധനത്തിന് വിലക്ക് ഏര്പ്പെടുത്തി.
അതേസമയം ഇടിമിന്നലിനുള്ള സാധ്യതയേറെയാണ്. ആയതിനാല് മുന്കരുതല് സ്വീകരിക്കുന്നതില് നിന്നും വിട്ടുനില്ക്കരുത്. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാല് ഉടന് തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക. തുറസ്സായ സ്ഥലങ്ങളില് തുടരുന്നത് ഇടിമിന്നലേല്ക്കാനുള്ള സാധ്യത വര്ധിപ്പിക്കും.
ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തില് ജനലും വാതിലും അടച്ചിടുക, വാതിലിനും ജനലിനും അടുത്ത് നില്ക്കാതെയിരിക്കുക. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പര്ശിക്കാതിരിക്കാന് ശ്രമിക്കുകയും ചെയ്യുക.
"
https://www.facebook.com/Malayalivartha
