സിനിമയില് നിന്ന് ഇടവേള എടുക്കുന്നുവെന്ന് സാമന്ത
തെന്നിന്ത്യന് താരം സാമന്ത റൂത്ത് പ്രഭു അമ്മയാകാന് ഒരുങ്ങുന്നുവെന്ന റിപ്പോര്ട്ടുകള് കഴിഞ്ഞ ദിവസങ്ങളില് പുറത്തുവന്നിരുന്നു. ഇപ്പോഴിതാ അമ്മയാകാന് പോകുന്നെന്ന വിവരം സ്ഥിരീകരിച്ചിരിക്കുകയാണ് സാമന്ത. ഒരു യു ട്യൂബ് ചാനലിന് നല്കിയ അഭിമുഖത്തിലാണ് താരത്തിന്റെ വെളിപ്പെടുത്തല്. മാ ഇന്തി ബംഗാരത്തിന്റെ വിജയത്തിന് ശേഷം സിനിമയില് നിന്ന് പ്രസവാവധി എടുക്കുകയാണെന്ന് സാമന്ത പറഞ്ഞു.
ആരാധകരില് ഒരാള് സാമന്തയോട് വീണ്ടും ഒരു നീണ്ട ഇടവേള എടുക്കരുതെന്നും സിനിമകള് ചെയ്യുന്നത് തുടരണമെന്നും അഭ്യര്ത്ഥിച്ചപ്പോഴാണ് സാമന്തയുടെ മറുപടി. 'ക്ഷമിക്കണം സുഹൃത്തുക്കളെ, ഒരു ചെറിയ ഇടവേള കൂടി ഞാന് എടുക്കുകയാണ്, ഉടന് ഞാന് തിരിച്ചെത്തും. ഇപ്പോള് എനിക്ക് പ്രസവാവധി എടുക്കണം, ഞാന് വളരെ സന്തോഷവതിയാണ്'. എന്നായിരുന്നു താരത്തിന്റെ വാക്കുകള്. വളരെ ലളിതവും ഹൃദയ സ്പര്ശിയുമായി രീതിയില് സാമന്ത തന്റെ ഗര്ഭധാരണം സ്ഥിരീകരിച്ചത് പെട്ടെന്ന് തന്നെ സോഷ്യല് മീഡിയയില് ചര്ച്ചയായി.
സാമന്തയ്ക്കും സംവിധായകന് രാജ് നിധിമോരുവിനും ഈ വര്ഷം ഡിസംബറില് ആദ്യ കണ്മണി ജനിക്കുമെന്നാണ് പുറത്തുവരുന്ന വിവരങ്ങള്. 2021ലാണ് നാഗ ചൈതന്യയും സാമന്തയും വേര്പിരിയുന്നത്. പിന്നീട് 2025 ഡിസംബര് ഒന്നിനാണ് സാമന്തയും രാജ് നിധിമോരുവും വിവാഹിതരായത്.
https://www.facebook.com/Malayalivartha
