ജിദ്ദയില്‍ നിന്നും കോഴിക്കോട് പുറപ്പെട്ട സ്‌പൈസ് ജെറ്റ് വിമാനം സാങ്കേതിക തകരാറിനെ തുടര്‍ന്ന് കൊച്ചിയില്‍ അടിയന്തര ലാന്‍ഡിംഗ് നടത്തി... ഒരു മണിക്കൂര്‍ നേരം നീണ്ട യാത്രക്കാരുടെ ആശങ്കകള്‍ക്ക് വിരാമം....

ജിദ്ദയില്‍ നിന്നും കോഴിക്കോട്ടേക്ക് തിരിച്ച സ്പൈസ് ജെറ്റ് വിമാനം കരിപ്പൂരില്‍ ലാന്‍ഡ് ചെയ്യാന്‍ സാധിക്കാതെ വന്നതോടെ് വിമാനം കൊച്ചിയിലേക്ക് വന്നു. ഇതിനിടെ വിമാനഅധികൃതര്‍ ഇക്കാര്യം യാത്രക്കാരെ അറിയിക്കുകയും ചെയ്തിരുന്നു. കരിപ്പൂരില്‍ വിമാനം ലാന്‍ഡ് ചെയ്യാന്‍ ശ്രമിച്ചെങ്കിലും അതിനും കഴിയാതെ വന്നതോടെയാണ് കൊച്ചിയില്‍ ലാന്‍ഡ് ചെയ്യാന്‍ തീരുമാനിച്ചത്.


ഏത് അടിയന്തര സാഹചര്യത്തെയും നേരിടാന്‍ രണ്ടു വിമാനത്താവളങ്ങളിലും ജാഗ്രതാ നിര്‍ദേശം നല്‍കിയിരുന്നു. ഇതിനിടെ രണ്ടു പ്രാവശ്യം കോഴിക്കോടേക്കും കൊച്ചിയിലേക്കും പറക്കുന്ന സാഹചര്യമുണ്ടായി. കോഴിക്കോട് ലാന്‍ഡ് ചെയ്യാനാവില്ലെന്നു വ്യക്തമായതോടെ കൊച്ചിയിലേക്കു പറത്തിയ വിമാനം ഇവിടെ മൂന്നു തവണ ലാന്‍ഡു ചെയ്യാന്‍ ശ്രമം നടത്തിയ ശേഷം നാലാമതു നടത്തിയ പരിശ്രമമാണ് വിജയിച്ചത്.

അതേസമയം വിമാനത്തിന്റെ ഹൈഡ്രോളിക് സംവിധാനത്തില്‍ തകരാറുണ്ടെന്ന സംശയത്തെ തുടര്‍ന്നാണ് അടിയന്തര ലാന്‍ഡിംഗ് നടത്തിയത്. പൈലറ്റ് വിവരം നല്‍കിയതിന് പിന്നാലെ കൊച്ചി വിമാനത്താവളത്തില്‍ ഹൈ അലര്‍ട്ട് പ്രഖ്യാപിച്ചിരുന്നു. സ്‌പൈസ് ജെറ്റ് എസ്.ജി 036 എന്ന വിമാനമാണ് അടിയന്തര ലാന്‍ഡിംഗ് നടത്തിയത്. ബോയിംഗ് 738 വിമാനത്തില്‍ 183 യാത്രക്കാര്‍ അടക്കം ആകെ 197 പേരുണ്ടായിരുന്നു.

ആദ്യം കോഴിക്കോട്ട് തന്നെ വിമാനം ഇറക്കാന്‍ പൈലറ്റ് ശ്രമം നടത്തിയെങ്കിലും ടേബിള്‍ ടോപ്പ് വിമാനത്താവളമായ കോഴിക്കോട്ട് ഇറക്കുന്നതിലെ അപകട സാധ്യത കണക്കിലെടുത്ത് വിമാനം കൊച്ചിയിലേക്ക് പറക്കുകയായിരുന്നു. വിമാനത്താവളത്തില്‍ എമര്‍ജന്‍സി അലര്‍ട്ട് പ്രഖ്യാപിച്ചതോടെ ഈ സമയത്ത് ഇവിടെ ഇറങ്ങേണ്ട വിമാനങ്ങള്‍ പലതും വഴി തിരിച്ചു വിടേണ്ടി വന്നു.


കേരളഗവര്‍ണര്‍ ആരിഫ് മുഹമ്മദ് ഖാന്‍ അടക്കമുള്ള വന്ന വിമാനങ്ങളില്‍ ചിലത് ഇങ്ങനെ കൊച്ചിയിലേക്ക് വഴി തിരിച്ചു വിട്ടു.രാത്രി 9.20 ന് മട
ങ്ങിയെത്തി.ഹൈഡ്രോളിക് സംവിധാനം തകരാറിലാകുമ്പോള്‍ വിമാനത്തിന്റെ ചിറകുകള്‍ ശരിയായ വിധത്തില്‍ പ്രവര്‍ത്തിപ്പിച്ച് റണ്‍വേയില്‍ ചക്രങ്ങള്‍ സുരക്ഷിതമായി ക്രമീകരിക്കാന്‍ കഴിയാറില്ല, അതു കൊണ്ടാണ് പൈലറ്റുമാര്‍ അതി ജാഗ്രത പാലിക്കുന്നത്. എമര്‍ജന്‍സി ലാന്‍ഡിംഗ് കഴിഞ്ഞതോടെ വിമാനത്താവളത്തിലെ ഹൈ അലര്‍ട്ട് പിന്‍വലിക്കുകയും ചെയ്തു.