സർക്കാരിനെ പറപ്പിക്കാൻ ഹൈക്കോടതി എത്തും. ഖാദി ബോർഡ് ചിലവുകൾ കൂട്ടുമ്പോൾ പട്ടിണിയിലാകുന്നത് ജീവനക്കാർ. ഖാദി ബോർഡ് ചെയർമാൻ പി ജയരാജന് ആഡംബര കാറുവാങ്ങാൻ 35 ലക്ഷം രൂപ ചെലവഴിക്കുമ്പോൾ മൂന്നു കൊല്ലമായി ശമ്പളം കിട്ടാതെ അലയുകയാണ് ഖാദിബോർഡ് ജീവനക്കാരി.

അതേസമയം കുറ്റ്യാട്ടൂർ സ്വദേശി നിഷ കെ.കെ എന്ന താത്ക്കാലിക ജീവനക്കാരിക്കാണ് മൂന്നര ലക്ഷത്തിലേറെ ശമ്പള കുടിശികയുള്ളത്. എന്നാൽ ശമ്പളം നൽകണമെന്ന് കോടതിവിധി ഉണ്ടായിട്ടും നിഷക്ക് ശമ്പളം നൽകാതെ കൈമലർത്തുകയാണ് ഖാദി ബോർഡ് ചെയ്തത്.

2013 ലായിരുന്നു കുറ്റ്യാട്ടൂർ സ്വദേശി നിഷ കെ.കെ ഖാദി ബോർഡിന്റെ കണ്ണൂർ വിപണന കേന്ദ്രത്തിൽ താത്കാലികാടിസ്ഥാനത്തിൽ ജോലിക്ക് കയറിയത്. തുടർന്ന് ദിവസക്കൂലി നാനൂറ് രൂപയും. അതാണെങ്കിൽ യുഡിഎഫ് ഭരിക്കുന്ന സമയമായിരുന്നു. എന്നാൽ എൽഡിഎഫ് അധികാരത്തിൽ വന്നതോടെ 2017ൽ നിഷയെ പിരിച്ചുവിട്ടു.

തുടർന്ന് ഇതുമായി ബന്ധപ്പെട്ട് ഇതിനെതിരെ നിഷ ലേബർ കോടതിയിൽ പോയി ജോലിയിൽ തിരികെ പ്രവ‍േശിക്കാൻ അനുകൂല വിധി നേടി. പിന്നാലെ തിരിച്ചെടുത്തില്ലെങ്കിൽ ഉത്തരവ് വന്ന സമയം മുതലുള്ള ശമ്പളം നൽകണമെന്നും നൽകിയില്ലെങ്കിൽ ഖാദി ബോർഡിലെ വസ്തുക്കൾ ജപ്തി ചെയ്ത് ശമ്പളം ഈടാക്കാനും ഉത്തരവായി. എന്നിട്ടും നിഷയുടെ ശബളം നൽകില്ല.