കോൺഗ്രസിന്റെയും സിപിമ്മിന്റെയും പദ്ധതികൾ പൊളിച്ച് ബിജെപി. ചരിത്ര വിജയം നേടി ഗുജറാത്തില്‍ വീണ്ടും അധികാരത്തിലേക്കെത്തിയ ബിജെപി മന്ത്രിസഭാ രൂപീകരണ ചർച്ചകൾ തുടങ്ങിയിരിക്കുകയാണ്. തുടർന്ന് വരുന്ന തിങ്കളാഴ്ച ഉച്ചയ്ക്കാണ് ഗാന്ധിനഗറിൽ വച്ച് ഭൂപേന്ദ്ര പട്ടേൽ വീണ്ടും മുഖ്യമന്ത്രിയായി സത്യപ്രതിജ്ഞ ചെയ്യുക.

അതേസമയം മന്ത്രിസഭയിൽ ആരൊക്കെ എന്ന കാര്യത്തിൽ ഉടൻ വ്യക്തത വരും. ഇതോടൊപ്പം നിയമസഭാ തെരഞ്ഞെടുപ്പിൽ വൻ തിരിച്ചടിയുണ്ടായ പശ്ചാത്തലത്തിൽ ഗുജറാത്ത് കോൺഗ്രസിൽ സംഘടന തലത്തിൽ അഴിച്ച് പണി ഉണ്ടായേക്കും.

മാത്രമല്ല ഹിമാചല്‍ പ്രദേശില്‍ ഭരണം പിടിച്ചതോടെ കോണ്‍ഗ്രസ് ഭരിക്കുന്ന സംസ്ഥാനങ്ങളുടെ എണ്ണം മൂന്നായി ഉയര്‍ന്നതാണ് കോൺഗ്രസിന്റെ നേട്ടം. ബിജെപിയുടേത് 11 ആയി കുറയുകയും ചെയ്തിട്ടുണ്ട്. നിലവിൽ ബിജെപി ഭരിക്കുന്ന സംസ്ഥാനങ്ങളായിരുന്നു ഗുജറാത്തും ഹിമാചല്‍ പ്രദേശും. രണ്ടിടത്തും അധികാരം തുടരുമെന്ന പ്രതീക്ഷയിലായിരുന്നു പാര്‍ട്ടി ഉണ്ടായിരുന്നത്.

എന്നാൽ ഇപ്പോൾ വോട്ടെണ്ണലിന്റെ ആദ്യത്തില്‍ ഇഞ്ചോടിഞ്ച് പോരാട്ടം നടന്നെങ്കിലും ഹിമാചലില്‍ കോണ്‍ഗ്രസ് പിന്നീട് ഇടിച്ചുകയറുന്നതാണ് കണ്ടത്. ഇതേസമയം കോണ്‍ഗ്രസിന് തൊട്ടുപിന്നില്‍ എഎപിയുണ്ട് എന്നതാണ് മറ്റൊരു കാര്യം. എഎപി ഭരിക്കുന്ന സംസ്ഥാനങ്ങളുടെ എണ്ണം രണ്ടാണ്. ഗുജറാത്തിലെ ഫലം വന്നതോടെ എഎപി ദേശീയ പാര്‍ട്ടിയായി മാറുകയും ചെയ്തു.