മലപ്പുറത്ത്‌ സ്കൂൾ വിദ്യാർത്ഥിനിക്ക് അപകടത്തിൽ ദാരുണാന്ത്യം. സ്കൂൾ ബസിൽ നിന്ന് ഇറങ്ങി റോഡ് മുറിച്ച് കടക്കുമ്പോൾ ഗുഡ്സ് ഓട്ടോ ഇടിച്ച് വിദ്യാർത്ഥിനി മരിച്ചു.അഞ്ചാം ക്ലാസ് വിദ്യാർത്ഥിനിയാണ്. താനൂർ നന്നമ്പ്ര എസ്എൻയുപി സ്കൂൾ വിദ്യാർഥി ഷഫ്ന ഷെറിനാണ് മരിച്ചത് . ഗുരുതരമായി പരിക്കേറ്റ കുട്ടിയെ തിരൂരങ്ങാടി താലൂക്ക് ആശുപത്രിയിൽ എത്തിച്ചു.

പിന്നീട് ഒരു സ്വകാര്യആശുപത്രിയിലും എത്തിച്ചിരുന്നു സാധാരണയായി സ്കൂൾ ബസുകളിൽ കുട്ടികളെ ഇറക്കാൻ ഒരാൾ കൂടി ഉണ്ടാകാറുണ്ട് . എന്നാൽ ഈ സ്കൂൾ ബസിൽ ഡ്രൈവർ മാത്രമാണ് ഉണ്ടായിരുന്നത്. കുട്ടികളെ ഇറക്കാൻ മറ്റാരും ഉണ്ടായിരുന്നില്ല. അതാണ് അപകടത്തിലേക്ക് നയിച്ചത് .ബസ് ഇറങ്ങി റോഡ് മുറിച്ച് കടക്കുന്നതിനിടെ ഗുഡ്സ് ഓട്ടോ ഇടിച്ച് തെറിപ്പിക്കുകയായിരുന്നു.