ഹോര്മുസ് വഴി ഒരു ദിവസം 15 കപ്പലുകളില് കൂടുതല് കടത്തി വിടില്ലെന്ന് ഇറാന്
ഹോര്മുസ് കടലിടുക്ക് വഴി ഒരു ദിവസം 15 കപ്പലുകളില് കൂടുതല് കടക്കാന് അനുവദിക്കില്ലെന്ന് ഇറാന്.അമേരിക്കയുമായി ഉണ്ടാക്കിയ വെടിനിര്ത്തല് കരാര് പ്രകാരമാണ് ഇറാന്റെ പുതിയ നിര്ദേശം.24 മണിക്കൂറിനുള്ളില് ഒരു എണ്ണ ടാങ്കറും അഞ്ച് വ്യത്യസ്ത െ്രെഡ ബള്ക്ക് കാരിയറുകളും ഹോര്മുസ് കടലിടുക്കിലൂടെ സഞ്ചരിച്ചതായി റോയിട്ടേഴ്സ് റിപ്പോര്ട്ട് ചെയ്തു. ഇറാനിയന് പതാകയുള്ള രണ്ട് ടാങ്കറുകളും ഹോര്മുസ് വഴി സഞ്ചരിച്ചു. അതേസമയം, വെടിനിര്ത്തല് കരാറിന്റെ അവിഭാജ്യ ഘടകമാണ് ലെബനോണ് എന്ന് ഇറാന് വ്യക്തമാക്കി.
ഇറാന് പാര്ലമെന്റ് സ്പീക്കര് മുഹമ്മദ് ബാഗര് ഗാലിബാഫ് ഇക്കാര്യം വ്യക്തമാക്കിയത്. തീരുമാനത്തില് നിന്ന് പിന്നോട്ടില്ലെന്നും ലെബനോണില് ഇസ്രായേല് നടത്തിയ ആക്രമണം 'നഗ്നമായ വെടിനിര്ത്തല് ലംഘനം' ആണെന്ന് ഇറാന് പ്രസിഡന്റ് മസൂദ് പെസഷ്കിയാന് വ്യക്തമാക്കി.
ലെബോണിലെ ഇസ്രായേല് ആക്രമണം സമാധാന ചര്ച്ചകളെ അര്ത്ഥശൂന്യമാക്കും. ഇത് അപകടകരമായ സൂചനയാണ്. ഇറാന് ഒരിക്കലും ലെബനോണിലെ സഹോദരങ്ങളെ ഉപേക്ഷിക്കില്ല.ലെബനോണ് വെടിനിര്ത്തലിന്റെ ഭാ?ഗമെന്ന് മധ്യസ്ഥത വഹിച്ച പാകിസ്താന് വ്യക്തമാക്കി. യുറേനിയം സമ്പുഷ്ടീകരണത്തില് അമേരിക്കയുടെയും ഇസ്രയേലിന്റെയും ആവശ്യങ്ങള് യാഥാര്ത്ഥ്യമാകില്ലെന്ന് ഇറാന് കൂട്ടിച്ചേര്ത്തു. ഇറാന്റെ ആണവോര്ജ്ജ മേധാവി മുഹമ്മദ് എസ്ലാമിയാണ് ഇക്കാര്യം വ്യക്തമാക്കിയത്. ഇറാന്റെ സമ്പുഷ്ടീകരണ പരിപാടി നിയന്ത്രിക്കുന്നതില് അമേരിക്ക വിജയിക്കില്ല. ശത്രുക്കളുടെ അവകാശവാദങ്ങളും ആവശ്യങ്ങളും കുഴിച്ചുമൂടപ്പെടും. ഇറാന്റെ ഉയര്ന്ന അളവിലുള്ള സമ്പുഷ്ടീകരിച്ച യുറേനിയം ശേഖരം നീക്കം ചെയ്യണമെന്നാണ് ട്രംപിന്റെ ആവശ്യം.
https://www.facebook.com/Malayalivartha
