ശബരിമല യുവതി പ്രവേശനത്തില് സുപ്രീം കോടതിയുടെ നിരീക്ഷണം
ശബരിമല യുവതി പ്രവേശനവുമായി ബന്ധപ്പെട്ട ഹര്ജി പരിഗണിക്കവേ സുപ്രീം കോടതിയുടെ 2 സുപ്രധാന നിരീക്ഷണം. ക്ഷേത്രദര്ശനത്തിന് എത്തുന്നവര് അവിടത്തെ ആചാരങ്ങള് പാലിക്കണമെന്നതാണ് ഒന്ന്. മറ്റു മതങ്ങളില് നിന്ന് വ്യത്യസ്തമായി ഹിന്ദു മതത്തില് ഓരോ ആരാധനാലയങ്ങള്ക്കും പ്രത്യേക ആചാരമുണ്ടെന്നും അത് ദര്ശനത്തിനെത്തുന്നവര് പാലിക്കണമെന്നമായിരുന്നു ജസ്റ്റിസ് ബി വി നാഗരത്നയുടെ നിരീക്ഷണം.
അവിശ്വാസിക്കും മതപരമായ വിഷയങ്ങള് കോടതിക്ക് മുന്പില് ഉന്നയിക്കാമെന്ന് ഒമ്പതംഗ ബഞ്ചിലെ ജസ്റ്റിസ് ജോയ്മല്യ ബാഗ്ചി നീരീക്ഷിച്ചതും ശ്രദ്ധേയമായി. അവിശ്വാസികള്ക്ക് ആചാരങ്ങളെ എതിര്ക്കുന്ന ഹര്ജി നല്കാനാവില്ലെന്ന് ഇന്നലെ കേന്ദ്രം വാദിച്ചിരുന്നു. ഇക്കാര്യത്തിലാണ് സുപ്രീം കോടതിയുടെ സുപ്രധാന നിരീക്ഷണമുണ്ടായിരിക്കുന്നത്.
ശബരിമല യുവതി പ്രവേശനത്തിനെതിരായ പുനപരിശോധന ഹര്ജികളെ പിന്തുണച്ച് എന് എസ് എസിനും ക്ഷേത്ര സംരക്ഷണസമിതിക്കും വേണ്ടി മുതിര്ന്ന അഭിഭാഷകന് വൈദ്യനാഥന് വാദം ഉന്നയിക്കുന്നതിനിടെയായിരുന്നു സുപ്രീംകോടതിയുടെ നിര്ണായക നിരീക്ഷണം.
https://www.facebook.com/Malayalivartha
