പിജെ വാളെടുത്തപ്പോള്... ഇപി ജയരാജനെതിരായ സാമ്പത്തിക ആരോപണത്തില് വെട്ടിലാകുന്നു; ഉള്പ്പാര്ട്ടി ചര്ച്ച പുറത്ത് പറയില്ലെന്ന് പി ജയരാജന്; മൊറാഴയിലെ റിസോര്ട്ട് താനുമായി ബന്ധമില്ലെന്ന് ഇപി; പാര്ട്ടിക്ക് വിശദീകരണം നല്കി ഇപി ജയരാജന്
രാഷ്ട്രീയക്കാരന്റെ മക്കള് എങ്ങനെ ജീവിക്കണമെന്ന് നല്ലൊരു ഉദാഹരണമാണ് പി ജയരാജന്. അദ്ദേഹത്തിന്റെ മക്കള് അച്ഛന്റെ ഒരു തണലും പറ്റാതെ സ്വന്തമായി കല്ലും കട്ടയും ചുവന്നും ഹോട്ടലില് പണിയെടുത്തും ഗള്ഫില് ജോലി ചെയ്തുമാണ് ജീവിക്കുന്നത്. അതിനാലാണ് പിജെയ്ക്ക് പിജെ ആര്മിയെന്ന വലിയ ആരാധകവൃന്ദം ഉണ്ടായത്.
ഇടതുമുന്നണി കണ്വീനര് ഇ.പി.ജയരാജനെതിരെ വലിയ സാമ്പത്തിക ആരോപണമാണ് പി ജയരാജന് ഉന്നയിച്ചത്. എന്നാല് വാര്ത്ത തള്ളാതെപി ജയരാജന്. ഇപി കേന്ദ്രകമ്മിറ്റിയംഗമാണ്, പാര്ട്ടിയുടെ ഭാഗമായി നിന്നതിന് ക്രൂരമായി ആക്രമിക്കപ്പെട്ട നേതാവാണ് എന്ന് പി ജയരാജന് പറഞ്ഞു. ഇപി ജയരാജനെതിരായി സംസ്ഥാന കമ്മിറ്റിയില് സാമ്പത്തിക ആരോപണം ഉയര്ന്നത് വ്യാജവാര്ത്തയാണോയെന്ന ചോദ്യത്തിന്, പാര്ട്ടിക്ക് അകത്ത് നടന്ന ചര്ച്ചകള് പുറത്ത് പങ്കുവെക്കാനാഗ്രഹിക്കുന്നില്ലെന്ന മറുപടിയാണ് അദ്ദേഹം നല്കിയത്.
ഇപി ജയരാജന് റിസോര്ട് നടത്തുന്നത് തന്റെ ശ്രദ്ധയില്പെട്ടിട്ടില്ല. താന് ആ സ്ഥലത്ത് പോയിട്ടില്ല. നാട്ടില് മതപരമായ വര്ഗീയത ശക്തിപ്പെടുന്നു, ലഹരി ഉപയോഗം വര്ധിപ്പിക്കുന്നു. ഇതൊക്കെയാണ് തന്നെ ഏറെ വിഷമിപ്പിക്കുന്നതെന്നും അദ്ദേഹം പറഞ്ഞു. സംസ്ഥാന കമ്മിറ്റി യോഗത്തില് പാര്ട്ടിയിലെ തെറ്റ് തിരുത്തല് രേഖ അംഗീകരിച്ചിരുന്നു.
കേരളത്തെ സാമ്പത്തികമായി ഞെരുക്കുന്ന കേന്ദ്രസര്ക്കാരിനെതിരെ പ്രതിഷേധത്തിനും തീരുമാനം എടുത്തിരുന്നു. പാര്ട്ടി വലതുപക്ഷ നയത്തിലേക്ക് പോകുന്നുവെന്ന യാതൊരു ചര്ച്ചയും സംസ്ഥാന കമ്മിറ്റിയില് ഉണ്ടായിരുന്നില്ലെന്നും പി ജയരാജന് പറഞ്ഞു. സിപിഎം കേന്ദ്ര കമ്മിറ്റിയംഗം കൂടിയായ ഇപിക്കെതിരെ സംസ്ഥാന കമ്മിറ്റിയില് പി ജയരാജനാണ് ആരോപണം ഉന്നയിച്ചത്.
കണ്ണൂരിലെ ആയുര്വേദ റിസോര്ട്ടിന്റെ പേരിലാണ് സാമ്പത്തിക ആരോപണം ഉന്നയിച്ചിരിക്കുന്നത്. ഇപി ജയരാജന്റെ ഭാര്യയും മകനും ഡയറക്ടര്മാരായ കമ്പനിയാണ് റിസോര്ട്ടിന്റെ നടത്തിപ്പുകാര് എന്ന് ആരോപണം. ഏറ്റവും ആധികാരികതയോടെയാണ് ആക്ഷേപം ഉന്നയിക്കുന്നതെന്ന് യോഗത്തില് പി.ജയരാജന് പറഞ്ഞു. റിസോര്ട്ട് തുടങ്ങുന്ന സമയത്ത് പ്രശ്നം ചൂണ്ടിക്കാണിച്ചപ്പോള് ഡയറക്ടര് ബോര്ഡില് മാറ്റം വരുത്തി.
ഗുരുതരമായ ആരോപണത്തില് അന്വേഷണവും നടപടിയും വേണമെന്ന് പി.ജയരാജന് ആവശ്യപ്പെട്ടു. അരോപണം ഉയര്ന്ന സംസ്ഥാന കമ്മിറ്റിയില് ഇ.പി പങ്കെടുത്തിരുന്നില്ല. ആരോപണം സിപിഎം സംസ്ഥാന സെക്രട്ടറിയും പിബി അംഗവുമായ എംവി ഗോവിന്ദന് തള്ളിയില്ല. ആരോപണം എഴുതി നല്കാന് പി ജയരാജന് നിര്ദ്ദേശം നല്കി. പരാതി രേഖാമൂലം കിട്ടിയാല് പരിശോധിക്കാമെന്നും സെക്രട്ടറി സംസ്ഥാന കമ്മിറ്റിയില് വ്യക്തമാക്കി.
അതേസമയം മൊറാഴയിലെ വിവാദമായ ആയുര്വേദ റിസോര്ട്ടുമായി തനിക്ക് ബന്ധമില്ലെന്ന് സിപിഎം കേന്ദ്രകമ്മിറ്റിയംഗവും ഇടതുമുന്നണി കണ്വീനറുമായ ഇപി ജയരാജന്. തലശ്ശേരിയിലുള്ള കെ പി രമേഷ് കുമാറിന്റെതാണ് റിസോര്ട്ടെന്ന് ഇപി ജയരാജന് പാര്ട്ടിക്ക് വിശദീകരണം നല്കി. സംഭവത്തില് കൂടുതല് വിശദീകരണത്തിന് ഇപി ജയരാജന് തയ്യാറായില്ല. സംസ്ഥാന കമ്മിറ്റിയില് പി ജയരാജന് ആരോപണം ഉന്നയിച്ച സാഹചര്യത്തിലാണിത്.
പി ജയരാജനെ ഒതുക്കുന്നു എന്ന ആക്ഷേപം നിലനില്ക്കുന്നതിനിടെയാണ് ഇപിയ്ക്കെതിരെ ശക്തമായി മുന്നോട്ട് വരുന്നത്. ഇപി ജയരാജനെതിരായ സാമ്പത്തിക ആരോപണം വ്യാജവാര്ത്തയാണോയെന്ന് നിക്ഷേധിക്കുന്നില്ല.
പാര്ട്ടിക്ക് അകത്ത് നടന്ന ചര്ച്ചകള് പുറത്ത് പങ്കുവെക്കാനാഗ്രഹിക്കുന്നില്ലെന്ന മറുപടിയാണ് പി ജയരാജന് നല്കിയത്. ഇപി ജയരാജന് റിസോര്ട് നടത്തുന്നത് തന്റെ ശ്രദ്ധയില്പെട്ടിട്ടില്ല. താന് ആ സ്ഥലത്ത് പോയിട്ടില്ല. എന്തായാലും കേരളത്തിലും റിസോര്ട്ട് രാഷ്ട്രീയം ഇതോടെ ശക്തിപ്പെടുകയാണ്. വരും നാളുകളില് ഇതിന്റെ അലയൊലികളുണ്ടാകും. പാര്ട്ടിക്കകത്തെ ചര്ച്ച വാര്ത്ത ചോര്ത്തി നല്കിയതില് ഇപി ജയരാജന് കനത്ത അമര്ഷമുണ്ട്.
https://www.facebook.com/Malayalivartha
