തിരുവനന്തപുരത്ത് ഉള്ളൂരില്‍ വയോധികയെ വെട്ടിക്കൊലപ്പെടുത്താന്‍ ശ്രമിച്ച യുവാവ് അറസ്റ്റില്‍. കൊല്ലം വിള നാരങ്ങാവിള വീട്ടില്‍ അരുണ്‍ എന്ന അബിയെ മെഡിക്കല്‍ കോളേജ് പൊലീസാണ് പിടികൂടിയത്.

ഗുരുതരമായ പരുക്കേറ്റ വയോധിക തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുകയാണ്. ഇന്നലെ രാവിലെ കൊല്ലം വിള പാലത്തിനു സമീപമുള്ള കടയില്‍ നിന്ന് പാല്‍ വാങ്ങാനെത്തിയ വയോധികയെയാണ് വെട്ടി പരിക്കേല്‍പ്പിച്ചത്.

നിലവിളികേട്ട് ഓടിയെത്തിയ നാട്ടുകാരാണ് പൊലീസില്‍ വിവരമറിയിച്ചത്. വെട്ടേറ്റ വയോധികയെ ഉടന്‍ തന്നെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.. പ്രതിയെ കോടതിയില്‍ ഹാജരാക്കി റിമാന്‍ഡിലാക്കി.