എല്ലാ വിഭാഗ ജീവനക്കാര്ക്കും ലീവ് സറണ്ടര് ആനുകൂല്യം ... നടപ്പ് സാമ്പത്തിക വര്ഷത്തെ സറണ്ടര് ചെയ്യാവുന്ന ആര്ജിതാവധി തുക പ്രോവിഡന്റ് ഫണ്ട് അക്കൗണ്ടില് ലയിപ്പിക്കും
സംസ്ഥാന സര്ക്കാര് അനുവദിച്ച ലീവ് സറണ്ടര് ആനുകൂല്യം സര്വകലാശാലകള്, സര്ക്കാര് ധനസഹായത്തോടെ പ്രവര്ത്തിക്കുന്ന തദ്ദേശ, സ്വയംഭരണ സ്ഥാപനങ്ങള്, പൊതുമേഖലാസ്ഥാപനങ്ങള്, വെല്ഫയര് ബോര്ഡുകള് തുടങ്ങിയ എല്ലായിടങ്ങളിലെയും ജീവനക്കാര്ക്കുകൂടി ബാധകമാക്കി ധനവകുപ്പ് ഉത്തരവിറക്കി.
നേരത്തെ പുറപ്പെടുവിച്ച ഉത്തരവില് സര്ക്കാര് ഉദ്യോഗസ്ഥര്, അധ്യാപകര് എന്നീ വിഭാഗങ്ങളെ മാത്രമായിരുന്നു സൂചിപ്പിച്ചത്.
ഇതില് വ്യക്തതവരുത്തിയാണ് പുതിയ ഉത്തരവ്. നടപ്പ് സാമ്പത്തിക വര്ഷത്തെ സറണ്ടര് ചെയ്യാവുന്ന ആര്ജിതാവധി (ഏണ്ഡ് ലീവ്) തുക പ്രോവിഡന്റ് ഫണ്ട് അക്കൗണ്ടില് ലയിപ്പിക്കുകയും ചെയ്യും.
കോവിഡ് പ്രതിസന്ധിയിലെ വരുമാനത്തകര്ച്ചയെതുടര്ന്ന് സറണ്ടര് ആനുകൂല്യം മരവിപ്പിച്ചിരുന്നു. ലാസ്റ്റ് ഗ്രേഡ്, മുന്സിപ്പല് കണ്ടിജന്റ്, പാര്ടൈം കണ്ടീജന്റ് ജീവനക്കാര്, മന്ത്രിമാരുടെയും, പ്രതിപക്ഷ നേതാവിന്റെയും ചീഫ് വിപ്പിന്റെയുമുള്പ്പെടെ പേഴ്സണല് സ്റ്റാഫിലെ ഓഫീസ് അറ്റന്ഡന്റ്, കുക്ക് തുടങ്ങിയവര്ക്ക് നേരത്തെ ലീവ് സറണ്ടര് അനുവദിച്ചിട്ടുണ്ടായിരുന്നു.
" f
https://www.facebook.com/Malayalivartha
