146-ാമത് മന്നം ജയന്തിദിനാഘോഷങ്ങളുടെ ഭാഗമായി പെരുന്ന ജനസാഗരമായി. രാവിലെ മുതല്‍ സമാധിയില്‍ പുഷ്പാര്‍ച്ചനയ്ക്കായി നാടിന്റെ നാനാഭാഗങ്ങളില്‍ നിന്നുള്ള പതിനായിരങ്ങള്‍ ഒഴുകി എത്തി. സമ്മേളനത്തിനായി തയാറാക്കിയഅതിമനോഹരമായ പടുകൂറ്റന്‍ പന്തലും പരിസരങ്ങളും നിറഞ്ഞു കവിഞ്ഞു.


രാവിലെ 10.45ന് ആരംഭിച്ച ജയന്തി സമ്മേളനം ഡോ. ശശി തരൂര്‍ എംപി ഉദ്ഘാടനം ചെയ്തു. എന്‍എസ്എസ് ജനറല്‍സെക്രട്ടറി ജി. സുകുമാരന്‍ നായര്‍ ആമുഖ പ്രസംഗവും പെരുന്നയില്‍ നിര്‍മിച്ച എന്‍എസ്എസ് കണ്‍വന്‍ഷന്‍ സെന്ററിന്റെയും ഗസ്റ്റ് ഹൗസിന്റെയും സമര്‍പ്പണവും നിര്‍വഹിച്ചു.

എന്‍എസ്എസ് പ്രസിഡന്റ് ഡോ. എം. ശശികുമാര്‍ അധ്യക്ഷത വഹിച്ചു. മുന്‍ ഡിജിപി ഡോ.അലക്‌സാണ്ടര്‍ ജേക്കബ് അനുസ്മരണ പ്രഭാഷണം നടത്തി.