മൂന്നാറിലെ മാട്ടുപ്പെട്ടി അണക്കെട്ടില്‍ വൈദ്യുതോത്പാദനം ആരംഭിച്ചു. അറ്റക്കുറ്റപ്പണികള്‍ക്കായി നിർത്തി വച്ച ഇടുക്കി മാട്ടുപ്പെട്ടി അണക്കെട്ടിലെ വൈദ്യുതോത്പാദനമാണ് വീണ്ടും ആരംഭിച്ചത്. നാല് മാസം മുമ്പാണ് പവര്‍ ഹൗസിലെ അറ്റക്കുറ്റപ്പണികള്‍ക്കായി അണക്കെട്ടിലെ വൈദ്യുതി ഉത്പാദനം നിര്‍ത്തി വച്ചത്.

തുടർന്ന് പണികള്‍ പൂര്‍ത്തീകരിച്ചതോടെ അണക്കെട്ടില്‍ നിന്നുള്ള വൈദ്യുതി ഉത്പാദനം വീണ്ടും ആരംഭിക്കുകയായിരുന്നു.

അതേസമയം രണ്ട് മെഗാവാട്ട് വൈദ്യുതിയാണ് അണക്കെട്ടിലെ വെള്ളത്തില്‍ നിന്നും ഉത്പാദിപ്പിക്കുന്നത്. ആകെ 1599.66 അടിയാണ് ഡാമിലെ സംഭരണ ശേഷി. എന്നാൽ നിലവില്‍ 1598.60 അടിയാണ് ഡാമിലെ ജലനിരപ്പ്. 

നേരത്തെ പവര്‍ഹൗസിലെ അറ്റകുറ്റപ്പണികള്‍ക്കായി അണക്കെട്ടിലെ ജലനിരപ്പ് നിയന്ത്രിക്കുന്നതിനായി ഷട്ടര്‍ 20 സെന്‍റി മീറ്റര്‍ ഉയര്‍ത്തി വെള്ളം തുറന്ന് വിട്ടിരുന്നു. നേരത്തെ തുലാവര്‍ഷത്തെ തുടർന്ന് കുണ്ടള ഡാം നിറഞ്ഞത്തോടെ ഒഴുക്കിവിട്ട വെള്ളമാണ് മാട്ടുപ്പെട്ടി ജലാശയത്തില്‍ ജലനിരപ്പ് ഉയരാന്‍ കാരണം.