ഗവർണറെ ചാൻസലർ സ്ഥാനത്ത് നിന്നും മാറ്റുന്ന ബില്ലിൽ നിർണായക പ്രതികരണവുമായി ഗവർണർ രംഗത്ത് വന്നിരിക്കുകയാണ്. ബിൽ രാഷ്ട്രപതിക്ക് അയക്കുന്ന കാര്യത്തിൽ ഉടൻ തീരുമാനമെടുക്കുമെന്ന് ഗവർണർ പറഞ്ഞു. തീർച്ചയായും സർക്കാരിന് തിരിച്ചടിയാകാവുന്ന തരത്തിൽ ഉള്ള ഒരു കാര്യം തന്നെയാണ് ഗവർണർ രാഷ്ട്രപതിക്ക് ആ ബിൽ അയക്കുന്നുവെന്നത്

.ചാൻസലർ ബില്ലിൽ തനിക്ക് യാതൊരു തീരുമാനമെടുക്കാൻ ആകില്ല എന്ന് കാര്യം വീണ്ടും ആവർത്തിച്ചു പറഞ്ഞിരുന്നു ഗവർണർ. രാഷ്ട്രപതിയുടെ പരിഗണനയ്ക്ക് വിട്ടാൽ പിന്നെ ബില്ലിൽ തീരുമാനം ഉടനൊന്നും സാധ്യതയില്ല. ആ ഒരു ബില്ലിന്റെ കാര്യത്തിൽ തനിക്ക് മുകളിലുള്ളവര്‍ തീരുമാനം എടുക്കട്ടേയേന്നാണ് ഗവര്‍ണർ നിലപാട് സ്വീകരിച്ചിരുന്നു .

വിദ്യാഭ്യാസം കൺകറന്‍റ് പട്ടികയിൽ ഉള്ളതിനാൽ സംസ്ഥാനങ്ങൾക്ക് മാത്രം തീരുമാനം എടുക്കാൻ ആകില്ല എന്ന കാര്യം വീണ്ടും വീണ്ടും ഗവർണർ ആവർത്തിച്ചാവർത്തിച്ച് പറഞ്ഞിരുന്നു
14 സർവകലാശാലകളുടെയും ചാൻസലർ സ്ഥാനത്ത് നിന്നും ഗവർണറെ മാറ്റുന്നതാണ് ബിൽ.

ലെജിസ്ലേറ്റീവ് അസംബ്ലി പാസാക്കിയ ചാൻസിലർ ബില്ലിൽ ഒടുവിൽ ഗവർണർക്ക് നിയമോപദേശം കിട്ടിയിരുന്നു . ബിൽ രാഷ്ട്രപതിക്ക് അയക്കുക എന്ന ഒരു നിയമോപദേശമാണ് ഗവർണർക്ക് കിട്ടിയത്. രാജ്ഭവൻ ലീഗൽ അഡ്വൈസറാണ് ഗവർണ്ണർക്ക് ഉപദേശം നല്കിയത് .ഗവർണ്ണറെ ബാധിക്കുന്ന വിഷയത്തിൽ സ്വയം തീരുമാനം എടുക്കരുത് എന്ന ഉപദേശവും കൊടുത്തിരിക്കുകയാണ്.

ചാന്‍സലര്‍ സ്ഥാനത്ത് നിന്ന് ഗവര്‍ണറെ നീക്കാനുള്ള ബില്ലാണ് അതിൽ ഗവര്‍ണര്‍ തന്നെ തീരുമാനമെടുത്താല്‍ അതില്‍ വ്യക്തിതാത്പര്യം കടന്നുവരാനുള്ള സാധ്യത തള്ളികളയാനാകില്ല . ഭരണഘടനപദി വഹിക്കുന്നയാളെ സംബന്ധിച്ച ബില്ലില്‍ അയാള്‍ തന്നെ തീരുമാനമെടുക്കരുത് എന്നുണ്ട് .അതുകൊണ്ടാണ് ഗവർണർക്ക് നിയമോപദേശം കിട്ടിയിരിക്കുന്നത്. ഭരഘണഘടന വിദഗ്ധരുമായി കൂടിയാലോചന നടത്തിയേതിന് ശേഷം മാത്രമേ ഈ ബിൽ അയക്കുകയുള്ളൂവെന്നായിരുന്നു ഗവർണറുടെ ആദ്യ നിലപാട്. ഇപ്പോൾ ഇതാ ഈ വിഷയത്തിൽ ഗവർണർ വേഗത്തിൽ തന്നെ തീരുമാനമെടുക്കുമെന്ന് ഗവർണർ വ്യക്തമാക്കിയിരിക്കുകയാണ്.