വിദ്യാർഥിനികൾക്ക് ആർത്തവ അവധി അനുവദിക്കാൻ ഒരുങ്ങുകയാണ് കൊച്ചി ശാസ്ത്രസാങ്കേതിക സർവകലാശാല. ഇതോ‌ടെ ചരിത്രത്തിൽ ആദ്യമായി വിദ്യാര്‍ഥിനികള്‍ക്ക് ആര്‍ത്തവ അവധി നല്‍കുന്ന സംസ്ഥാനത്തെ ആദ്യത്തെ സര്‍വകലാശാലയായി കുസാറ്റ് മാറിയിരിക്കുകയാണ്. ഓരോ സെമസ്റ്ററില്‍ രണ്ട് ശതമാനം അധികം അവധി ആനുകൂല്യം നല്‍കും  സർവ്വകലാശാലകളിൽ സാധാരണ പരീക്ഷയെഴുതണമെങ്കിൽ വിദ്യാർത്ഥികൾക്ക് 75 ശതമാനം ഹാജർ വേണം എന്നാണ് എന്നതാണ് നിബന്ധന..

75ശതമാനത്തിൽ കുറവ് ഹാജരുള്ളവർ വൈസ് ചാൻസലർക്ക് അപേക്ഷ നൽകി മെഡിക്കൽ സർട്ടിഫിക്കറ്റ് ഹാജരാക്കുന്നതാണ് നിലവിലുള്ള പതിവ്. എന്നാൽ കുസാറ്റിലെ പെൺകുട്ടികളാണെങ്കിൽ അവർക്ക് 73 ശതമാനം ഹാജർ മതിയെന്ന ഒരു നിർണായക തീരുമാനം എത്തിയിരിക്കുകയാണ്. ഈ സെമസ്റ്റര്‍ മുതലാണ് കുസാറ്റില്‍ ആര്‍ത്തവ അവധി നടപ്പിലാക്കുന്നത്. ആര്‍ത്തവ അവധിക്ക് മെഡിക്കല്‍ സര്‍ട്ടിഫിക്കേറ്റ് വേണ്ട. അവധി അപേക്ഷ മാത്രം നല്‍കിയാല്‍ മതി.കൊച്ചിയിലെ കുസാറ്റ് ക്യാംപസ്സിലും സർവ്വകലാശാല നേരിട്ട് നിയന്ത്രിക്കുന്ന മറ്റ് ക്യാംപസുകളിലും അവധി വിദ്യാർത്ഥിനികൾക്ക് കിട്ടും.