കണ്ണീര്ക്കാഴ്ചയായി...... ആലപ്പുഴയില് കെഎസ്ആര്ടിസി ബസ് ഇടിച്ച് വിദ്യാര്ത്ഥിനിക്ക് ദാരുണാന്ത്യം.... ട്യൂഷന് സെന്ററിലേക്ക് പോകാനായി റോഡ് മറികടക്കവേയാണ് അപകടം
കണ്ണീര്ക്കാഴ്ചയായി...... ആലപ്പുഴയില് കെഎസ്ആര്ടിസി ബസ് ഇടിച്ച് വിദ്യാര്ത്ഥിനിക്ക് ദാരുണാന്ത്യം.... ട്യൂഷന് സെന്ററിലേക്ക് പോകാനായി റോഡ് മറികടക്കവേയാണ് അപകടം .
പഞ്ചായത്ത് 21-ാം വാര്ഡ് പനക്കല് മസ്ജിദിന് സമീപം കോഴിപ്പറമ്പില് സിയാദ് - സഫീല ദമ്പതികളുടെ മകള് സഫ്ന സിയാദ് (15) ആണ് മരിച്ചത്. കലവൂര് ഗവ. ഹയര് സെക്കന്ഡറി സ്കൂളിലെ പത്താം ക്ലാസ് വിദ്യാര്ഥിനിയാണ്.
ട്യൂഷന് സെന്ററിലേക്ക് പോകാനായി റോഡ് മറികടക്കവേയാണ് അപകടം നടന്നത്. എതിരെ വന്ന കെ.എസ്.ആര്.ടി.സി ബസ് സഫ്നയെ ഇടിച്ചിടുകയായിരുന്നു. ഇന്നലെ ഉച്ചക്ക് രണ്ട് മണിയോടെ ആലപ്പുഴ - തണ്ണീര്മുക്കം റോഡില് കോമളപുരത്തായിരുന്നു അപകടം നടന്നത്. സ്വകാര്യ ബസിലെ യാത്ര കഴിഞ്ഞിറങ്ങി കോമളപുരത്തെ ട്യൂഷന് ക്ലാസിലേക്ക് പോകുവാനാി റോഡ് മറികടക്കവേ ഈ ബസിനെ മറികടന്ന് വന്ന കെ.എസ്.ആര്.ടി.സി ബസ് ഇടിക്കുകയായിരുന്നു. തലയിലൂടെ ബസിന്റെ ചക്രം കയറിയിറങ്ങി സഫ്ന സംഭവ സ്ഥലത്ത് വെച്ച് തന്നെ മരിച്ചു.
ആലപ്പുഴ നോര്ത്ത് പൊലീസെത്തി മൃതദേഹം ആലപ്പുഴ മെഡിക്കല് കോളേജ് ആശുപത്രിയിലേക്ക് മാറ്റി. സംഭവത്തില് പൊലീസ് കേസെടുത്തിട്ടുണ്ട്. ഖബറടക്കം ഇന്ന് മണ്ണഞ്ചേരി പടിഞ്ഞാറെ മഹല്ല് ഖബര്സ്ഥാനില് നടക്കും. പ്ലസ് ടു വിദ്യാര്ത്ഥിയായ സഫീദ് ഏക സഹോദരനാണ്.
"
https://www.facebook.com/Malayalivartha
