വാഹനങ്ങളില് ബോര്ഡുപയോഗിക്കാവുന്ന ഔദ്യോഗിക പദവികള് പരിമിതപ്പെടുത്താനൊരുങ്ങി സര്ക്കാര്.....
വാഹനങ്ങളില് ബോര്ഡുപയോഗിക്കാവുന്ന ഔദ്യോഗിക പദവികള് പരിമിതപ്പെടുത്താനൊരുങ്ങി സര്ക്കാര്..... മന്ത്രിമാര്ക്കും എം.എല്.എമാര്ക്കും പുറമേ ഔദ്യോഗിക ബോര്ഡ് വയ്ക്കുന്നതിനുള്ള അധികാരം സ്പെഷല് സെക്രട്ടറിക്ക് മുകളിലായി പരിമിതപ്പെടുത്താനാണ് ആലോചനയിലുള്ളത്.
അര്ധസര്ക്കാര്, സര്ക്കാര് വാഹനങ്ങള്ക്ക് പുതിയ നമ്പര്സീരിസുകള് കൊണ്ടുവരാനും നടപടി തുടങ്ങി. ഔദ്യോഗിക വാഹനങ്ങളുടെ ദുരുപയോഗം തടയാനാണ് പുതിയ നീക്കമുള്ളത്.
നിലവില് സെക്രട്ടറിയേറ്റിലെ ഡെപ്യൂട്ടി സെക്രട്ടറി മുതല് മുകളില് റാങ്കുള്ളവര്ക്ക് സ്വന്തം കാറില് ബോര്ഡ് വെയ്ക്കാമായിരുന്നു. ഇതു സ്പെഷ്യല് സെക്രട്ടറി റാങ്കിനു മുകളിലേക്ക് പരിമിതപ്പെടുത്തും. അതായത് ഐ.എ.എസ് ഉദ്യോഗസ്ഥര്ക്ക് മാത്രമായി ബോര്ഡ് വയ്ക്കാവൂ എന്നെത്തുമെന്നു സാരം. മാത്രമല്ല മറ്റേതെല്ലാം പദവികള്ക്ക് ബോര്ഡ് വെയ്ക്കാമെന്നുള്ളതും പ്രത്യേക ഉത്തരവായിറങ്ങും.
നിയമം തെറ്റിക്കുന്നവര്ക്ക് വകുപ്പ് തല നടപടിയുള്പ്പെടെ ഏറ്റുവാങ്ങേണ്ടി വരും.ഇതു കൂടാതെയാണ് വാഹനങ്ങള്ക്ക് പ്രത്യേക സീരീസും കൊണ്ടു വരുന്നത്. നിലവില് കെ.എല്.15 കെ.എസ്.ആര്.ടി.സി ബസുകള്ക്കുള്ള നമ്പരാണ്.
സര്ക്കാര് വാഹനങ്ങള്ക്കിനി കെ.എല് 15 എ.എ യും തദ്ദേശ സ്വയംഭരണ സ്ഥാപനങ്ങള്ക്ക് കെ.എല്.15 എ.ബിയും അര്ധസര്ക്കാര് സ്ഥാപനങ്ങള് തുടങ്ങി സര്ക്കാര് നിയന്ത്രിത സ്ഥാപനങ്ങള്ക്ക് കെ.എല്.15 എ.സിയും ആയിരിക്കും. ഇതുള്പ്പെടെയുള്ളവയ്ക്കായി മോട്ടോര് വാഹനചട്ടം ഭേദഗതി ചെയ്യുകയും ചെയ്യും.
"
https://www.facebook.com/Malayalivartha
