ലൈഫ് മിഷന് കോഴ ഇടപാടില് ചോദ്യം ചെയ്യലിന് ശിവശങ്കര് ഇന്ന് ഹാജരാകില്ല... മറ്റൊരു ദിവസം അനുവദിക്കണമെന്നും ശിവശങ്കര്
ലൈഫ് മിഷന് കോഴ ഇടപാടില് ചോദ്യം ചെയ്യലിന് ശിവശങ്കര് ഇന്ന് ഹാജരാകില്ല... മറ്റൊരു ദിവസം അനുവദിക്കണമെന്നും ശിവശങ്കര്
സര്വ്വീസില് നിന്ന് വിരമിക്കുന്നതിനാല് ഹാജരാകാന് കഴിയില്ലെന്ന് ഇമെയില് വഴി ഇഡിയെ അറിയിച്ചു. മുഖ്യമന്ത്രിയുടെ മുന് പ്രിന്സിപ്പല് സെക്രട്ടറിയും കായിക യുവജനക്ഷേമ പ്രിന്സിപ്പല് സെക്രട്ടറിയുമായ എം ശിവശങ്കര് ഐ.എ.എസ് ഇന്നാണ് സര്വീസില്നിന്ന് വിരമിക്കുന്നത്.
ചോദ്യം ചെയ്യലിന് മറ്റൊരു ദിവസം അനുവദിക്കണമെന്നും അദ്ദേഹം ആവശ്യപ്പെടുകയുണ്ടായി. ഇമെയില് വഴിയാണ് തന്റെ അസൗകര്യം അദ്ദേഹം അറിയിച്ചത്.
പുതിയ തീയതി പിന്നീട് അറിയിക്കാമെന്ന് ഇഡി മറുപടി നല്കി. ലൈഫ് മിഷന് കരാര് ലഭിക്കാന് നാല് കോടി 48 ലക്ഷം രൂപയുടെ കോഴ നല്കിയെന്ന യൂണിടാക്ക് ഉടമ സന്തോഷ് ഈപ്പന്റെ വെളിപ്പെടുത്തലിനെ തുടര്ന്നാണ് ഇഡി കള്ളപ്പണം തടയല് നിയമപ്രകാരം കേസെടുത്തത്.
കരാര് ലഭിക്കാന് ഇടനില നിന്ന സ്വപ്ന സുരേഷിന് ഒരു കോടി ലഭിച്ചെന്നും സ്വപ്നയുടെ ലോക്കറില് നിന്ന് കണ്ടെത്തിയത് ഈ കള്ളപ്പണമാണെന്നുമാണ് ഇഡിയുടെ കണ്ടെത്തല്.
യൂണിടാക് ഉടമ സന്തോഷ് ഈപ്പന്, സ്വര്ണക്കടത്ത് കേസിലെ കൂട്ട് പ്രതി സന്ദീപ് നായര്, സ്വപ്ന സുരേഷ് എന്നിവരെ ഇഡി നേരത്തെ ചോദ്യം ചെയ്തിരുന്നു.ലൈഫ് മിഷന് ഇടപാടിലെ കോഴ, ശിവശങ്കറിന്റെ പൂര്ണ അറിവോടെയായിരുന്നുവെന്നു സ്വപ്ന സിബിഐക്ക് മൊഴി നല്കിയിരുന്നു. ലൈഫ് മിഷന് പദ്ധതിയില് ആറ് കോടിയുടെ കോഴ ഇടപാട് നടന്നെന്നാണ് സ്വപ്ന സുരേഷ് ആവര്ത്തിച്ചത്.
" f
https://www.facebook.com/Malayalivartha
