അടൂര് ഗോപാലകൃഷ്ണന് രാജിവച്ചു.... കെ.ആര് നാരായണന് ഇന്സ്റ്റിറ്റ്യൂട്ടിലെ ചെയര്മാന് സ്ഥാനം ഒഴിഞ്ഞു... ഇന്സ്റ്റിറ്റ്യൂട്ടിലെ വിദ്യാര്ഥി സമരങ്ങളും അതേ തുടര്ന്നുണ്ടായ വിവാദങ്ങള്ക്കും പിന്നാലെയാണ് അടൂരിന്റെ രാജി
കെ.ആര് നാരായണന് ഫിലിം ഇന്സ്റ്റിറ്റ്യൂട്ട് ചെയര്മാന് സ്ഥാനത്തു നിന്ന് അടൂര് ഗോപാലകൃഷ്ണന് രാജിവെച്ചു. ഇന്സ്റ്റിറ്റ്യൂട്ടിലെ വിദ്യാര്ഥി സമരങ്ങളും അതേതുടര്ന്നുണ്ടായ വിവാദങ്ങള്ക്കും പിന്നാലെയാണ് അടൂരിന്റെ രാജി. വിവാദങ്ങളെ തുടര്ന്ന് ഇന്സ്റ്റിറ്റിയൂഷന് ഡയറക്ടര് സ്ഥാനത്തുനിന്ന് ശങ്കര് മോഹന് നേരത്തെ രാജിവെച്ചിരുന്നു
ജാതി അധിക്ഷേപമടക്കം ഉയര്ത്തി ഡയറക്ടര് ശങ്കര് മോഹനെതിരെ നടത്തിയ വിദ്യാര്ത്ഥി സമരത്തില് അടൂരിനെതിരെയും പരാതി ഉയര്ന്നിരുന്നു. ഡയറക്ടര് ശങ്കര് മോഹനെ സംരക്ഷിക്കുന്ന നിലപാടാണ് ചെയര്മാനായ അടൂര് ഗോപാലകൃഷ്ണന് സ്വീകരിക്കുന്നതെന്നായിരുന്നു ആക്ഷേപം.
അടൂരുമായി സഹകരിക്കില്ലെന്നും വിദ്യാര്ത്ഥികള് അറിയിച്ചിരുന്നു. വിദ്യാര്ത്ഥി സമരത്തിന് പിന്നാലെ സിനിമാമേഖലയില് നിന്നും അടൂരിനെതിരെ വിമര്ശനമുയര്ന്നിരുന്നു. ഇതോടെയാണ് ശങ്കര് മോഹന്റെ രാജിക്ക് പിന്നാലെയാണ് അടൂരും രാജിവെച്ചത്. അനുനയിപ്പിക്കാനായി സര്ക്കാര് ശ്രമിച്ചിരുന്നെങ്കിലും അടൂര് വഴങ്ങിയില്ല.
"
https://www.facebook.com/Malayalivartha
