സ്ത്രീത്വത്തെ അപമാനിച്ചെന്ന കേസ്... നടന് ഉണ്ണി മുകുന്ദന് വേണ്ടി വ്യാജരേഖ ഹാജരാക്കിയിട്ടില്ലെന്ന് അഭിഭാഷകന് സൈബി ജോസ്
സ്ത്രീത്വത്തെ അപമാനിച്ചെന്ന കേസില് നടന് ഉണ്ണി മുകുന്ദന് വേണ്ടി വ്യാജരേഖ ഹാജരാക്കിയിട്ടില്ലെന്ന് അഭിഭാഷകന് സൈബി ജോസ്. കേസ് ഒത്തുതീര്പ്പാക്കിയെന്നായിരുന്നു കോടതിയെ ധരിപ്പിച്ചത്. എന്നാല്, ഒത്തുതീര്പ്പ് ഉണ്ടായില്ലെന്ന് ഇരയുടെ അഭിഭാഷകന് കോടതിയെ അറിയിക്കുകയായിരുന്നു. കോടതിക്ക് മുന്നില് കള്ളക്കളി അനുവദിക്കാനാകില്ലെന്ന് ഹൈക്കോടതി പറഞ്ഞു. അഭിഭാഷകന് മറുപടി പറഞ്ഞ മതിയാവുമെന്ന് കോടതി നിര്ദ്ദേശിച്ചു.
കൊച്ചിയിലെ ഫ്ലാറ്റില് തിരക്കഥ സംസാരിക്കാന് എത്തിയ യുവതിയെ ബലാത്സംഗം ചെയ്യാന് ശ്രമിച്ചെന്നും സ്ത്രീത്വത്തെ അപമാനിച്ചെന്നുമാണ് കേസ്. കേസ് 17 ന് വീണ്ടും പരിഗണിക്കും.
കേസുമായി മുന്നോട്ട് പോകാന് താല്പര്യമില്ലെന്ന് പരാതിക്കാരി ഇമെയില് വഴി അറിയിച്ചിരുന്നു. ഈ രേഖയാണ് കോടതിക്ക് കൈമാറിയതെന്നാണ് അഭിഭാഷകനായ സൈബി ജോസിന്റെ വിശദീകരണം. ഇമെയില് വിശദാംശങ്ങള് അടക്കം മുഴുവന് തെളിവും ഹൈക്കോടതിക്ക് കൈമാറുമെന്നും തനിക്കെതിരെ നടക്കുന്നത് വ്യാജ പ്രചരണങ്ങള് ആണെന്നും സൈബി ജോസ് പറഞ്ഞു.
കേസിന്റെ വിചാരണ തടഞ്ഞുകൊണ്ടുള്ള ഉത്തരവ് ഹൈക്കോടതി നീക്കിയതിന് പിന്നാലെയാണ് സൈബി ജോസിന്റെ വിശദീകരണം. ഹൈക്കോടതി കോഴ കേസില് പ്രതിയായ അഡ്വ. സൈബി ജോസ് ഹാജരായി അനുകൂല വിധി വാങ്ങിയ കേസിലാണ് ഹൈക്കോടതിയുടെ നടപടി. ഇരയുടെ പേരില് ഇല്ലാത്ത അഫിഡവിറ്റ് ഹാജരാക്കിയത് ഗുരുതരമെന്ന് ഹൈക്കോടതി നിരീക്ഷിച്ചു.
എന്നാല് ഉണ്ണിമുകുന്ദന്റെ അഭിഭാഷകന് സൈബി ജോസ് ഇന്ന് ഹാജരായില്ല. മറുപടി സത്യവാങ്മൂലം നല്കാന് ഉണ്ണി മുകുന്ദന് ഹൈക്കോടതി നിര്ദ്ദേശം നല്കിയിട്ടുണ്ട്.
https://www.facebook.com/Malayalivartha
