മുതിര്ന്ന മാധ്യമപ്രവര്ത്തകനും മാതൃഭൂമി തിരുവനന്തപുരം മുന് ബ്യൂറോ ചീഫുമായ ജി. ശേഖരന് നായര് അന്തരിച്ചു.... ഇന്ന് രാവിലെ 11 മണിയോടെ തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം
മുതിര്ന്ന മാധ്യമപ്രവര്ത്തകനും മാതൃഭൂമി തിരുവനന്തപുരം മുന് ബ്യൂറോ ചീഫുമായ ജി. ശേഖരന് നായര് അന്തരിച്ചു.... ഇന്ന് രാവിലെ 11 മണിയോടെ തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം
മുതിര്ന്ന മാധ്യമപ്രവര്ത്തകനും മാതൃഭൂമി തിരുവനന്തപുരം മുന് ബ്യൂറോ ചീഫുമായ ജി. ശേഖരന് നായര്(75) അന്തരിച്ചു. ശനിയാഴ്ച രാവിലെ 11 മണിയോടെ തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.
ഹൃദയസംബന്ധമായ അസുഖത്തെത്തുടര്ന്ന് രണ്ടാഴ്ചയിലേറെയായി ചികിത്സയിലായിരുന്നു. സംസ്കാരം പിന്നീട് നടത്തും. 1980-ല് മാതൃഭൂമിയില് ചേര്ന്ന ജി. ശേഖരന് നായര് തിരുവനന്തപുരം, കൊല്ലം, തൃശ്ശൂര്, ആലപ്പുഴ എന്നിവിടങ്ങളില് ബ്യൂറോ ചീഫായും കോഴിക്കോട്ട് ചീഫ് സബ് എഡിറ്ററായും പ്രവര്ത്തിച്ചിട്ടുണ്ടായിരുന്നു.
ആരോഗ്യവകുപ്പുമായി ബന്ധപ്പെട്ട പരമ്പര ഉയര്ത്തിയ വിവാദങ്ങളെത്തുടര്ന്ന് കെ. കരുണാകരന് മന്ത്രിസഭയിലെ ആരോഗ്യമന്ത്രി ആര്. രാമചന്ദ്രന്നായര് രാജിവെച്ചിട്ടുണ്ടായിരുന്നു. 1999-ല് കൊളംബോയില് സാര്ക്ക് ഉച്ചകോടിയില് പ്രധാനമന്ത്രി വാജ്പേയിക്കൊപ്പം പോയ മാധ്യമസംഘത്തിലെ അംഗമായിരുന്നു അദ്ദേഹം.
1993-ല് ശ്രീലങ്കന് പ്രധാനമന്ത്രി പ്രേമദാസയുടെ വധം റിപ്പോര്ട്ട് ചെയ്തിട്ടുണ്ട്. 2007-ല് മാതൃഭൂമിയുടെ അന്നത്തെ മാനേജിങ് ഡയറക്ടര് എം.പി. വീരേന്ദ്രകുമാറിനൊപ്പം ബെല്ഗ്രേഡില്നടന്ന ഇന്റര്നാഷണല് പ്രസ് ഏജന്സിയുടെ 58-ാമത് ജനറല് അസംബ്ലിയില് പങ്കെടുക്കുകയും ചെയ്തിട്ടുണ്ട്.
അതേസമയം അന്വേഷണാത്മക പത്രപ്രവര്ത്തനത്തിലെ മികവിന് മൂന്ന് സംസ്ഥാന അവാര്ഡുകള് നേടിയിട്ടുണ്ട്.
" f
https://www.facebook.com/Malayalivartha
